اسد رژیمی سرحد-کئچید منطقه لریندن کئچیشلری 3 آی مدتینه اوزادیب
سوریه-دهکی اسد رژیمی اینسانی یاردیم اوچون اؤنجوپینار و چوبانبی سرحد-کئچید منطقه لریندن کئچیشلری 3 آی مدتینه اوزادیب.
سوریه-دهکی اسد رژیمی اینسانی یاردیم اوچون اؤنجوپینار و چوبانبی سرحد-کئچید منطقه لریندن کئچیشلری 3 آی مدتینه اوزادیب.
بمت باش کاتیبینین اینسانی مسئلهلر و فوق العاده یاردیم کووردیناتورو مارتین گریفیتس سوریه-دهکی اسد رژیمینین اؤنجوپینار (باب السلامه) و چوبانبی (الراعی) سرحد-کئچید منطقهلرینی اینسانی یاردیملار اوچون اوچ آی داها آچیق ساخلاماغا قرار وئردیگینی بیلدیریب.
مارتین گریفیتس توییتر حسابیندا ائتدیگی پایلاشیمدا "سون 3 آیدیر اؤنجوپینار و چوبانبی سرحد-کئچید منطقهلری 6 فوریه زلزلهسیندن زرر چکمیش سوریه-لیلره کؤمک ائتمک اوچون حیاتی بیر خط اولوب. سوریه حکومتینین (بو کئچیدلری) داها 3 آی بمت یاردیمینا آچیق ساخلاماق قراری سئویندیریجیدیر" دئییب.
قئید ائدک کی، فوریهنین 6-دا قهرمان ماراش مرکزلی زلزلهلردن سونرا سوریه-دهکی اسد رژیمی اؤنجوپینار و چوبانبی سرحد-کئچید منطقهلرینین بمت-نین سوریه سرحدیندن کئچن اینسانی یاردیمی اوچون 3 آی مدتینده ایستیفاده ائدیلمهسینه راضیلیق وئریب.
اسد رژیمی بو گون سحر ساعاتلاریندا مدتی باشا چاتان بو ایکی سرحد-کئچید منطقهسیندن اینسانی یاردیملار اوچون داها 3 آی، آوقوستون 13-نه کیمی ایستیفادهیه راضیلیق وئریب.
بمت تهلوکهسیزلیک شوراسینین قطعنامهسی ایله اینسانی یاردیم اوچون ایجازه وئریلن یگانه سرحد-کئچید منطقهسی جیلوه گؤزو (باب السلامه ) ایسه ژوئنین 10-دک آچیق قالاجاق.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.