زلنسکی: "اوکراینا و لهستان چیگین-چیگینه اولارسا، روسیا آوروپایا غالیب گله بیلمز"
اوکراینا پرزیدنتی ولودیمیر زلنسکی رسمی سفرده اولدوغو لهستان-ین پایتاختی ورشو-دا توپلوم قارشی‌سیندا چیخیش ائدیب.
"اوکراینا و لهستان چیگین-چیگینه اولارسا، روسیا آوروپایا غالیب گله بیلمز".
بونو اوکراینا پرزیدنتی ولودیمیر زلنسکی رسمی سفرده اولدوغو لهستان-ین پایتاختی ورشو-دا توپلوم قارشی‌سیندا ائتدیگی چیخیشیندا دئییب.
زلنسکی لهستان-ین حربی دستکی‌نین اوکراینایا چوخ کؤمک ائتدیگینی و اونون آزادلیغینا تحفه وئردیگینی بیلدیریب.
"بیزیم آزادلیغیمیز سیزین ده آزادلیغینیزی گوجلندیریر"، دئیه زلنسکی قئید ائدیب.
زلنسکی لهستان خالقینا و اونلارین حؤکمدارلارینا اوکراینا‌لی‌لارا قوناق‌پرور موناسیبتینه گؤره تشککور ائدیب.
لهستان پرزیدنتی آندری دودا دا بیلدیریب کی، روسیا‌دان طلب ائدیلمه‌لی اولان یگانه شئی اونون اوکراینا اراضی‌سیندن تامامیله چیخماسی‌دیر.
اوکراینا‌لی‌لارین حیاتی ایله باغلی هئچ بیر موذاکیره‌نین آپاریلا بیلمه‌یه‌جگینه ایشاره ائدن دودا دئییب:
"بو گون بیز مسکوایا، کرملینه آیدین مئساژ وئریریک کی، سیز بیزی بؤله بیلمه‌یه‌جکسینیز".
لهستان و اوکراینا‌لی‌لاری یوزایل‌لیک اورتاق تاریخ بیرلشدیردیگینی قئید ائدن دودا اونو دا دئییب کی، لازیم گلنده لهستان-لیلار اولاراق احتیاجی اولان قارداش‌لاریمیزا ال اوزاتدیق. اوکراینایا تانک‌لار، زره لی نفربرلر، هویتزرلر، اوچاق لار وئریریک. باشقا اؤلکه‌لره نمونه اولوروق و بعضا اونلارین سلاح تداروکونه قارشی مقاومت‌لرینی قیریریق.
بو آرادا خالقا مراجعت‌دن اول گؤروشن زلنسکی و لهستان رسمی‌لری موختلیف مسئله‌لرله باغلی عهده لیک لر گؤتوروب و سازیش‌لر ایمضالاییب‌لار.
لهستان-ین ایندییه‌دک اوکراینایا 8 شوروی اوره تیمی اولان "میگ – 29" تیپ‌لی دؤیوش اوچاغی گؤندردیگینی خاطیرلا‌دان دودا، داها 6 اوچاغین گؤندریله‌جگینی قئید ائدیب.
