ایران ۷ ایل سونرا اماراتا ائلچی تعیین ائتدی

ایران، ۷ ایل آرادان سونرا بیرلشمیش عرب امرلیکلرینه ائلچی تعیین ائتدیگینی بیلدیردی.
ایران رسمی خبر آژانسی ایرنایا گؤره، خاریجی ایشلر باخانلیغی ابوظبی ائلچیسی اولاراق رضا عامرینی وظیفه‌لندیردی.
عامرینین یاخیندا ابوظبییه گئده‌رک یئنی وظیفه‌سینه باشلایاجاغی قید ائدیلدی.
خاریجی ایشلر باخانلیغی خاریج‌ده‌کی ایران‌لیلار باش مودورو اولان رضا عامری داها اؤنجه ایرانین جزایر، سودان و اریتره ائلچیلیگی وظیفه‌لرینی یئریتدی.
سعودی عربیستان‌دا ۲ ژانویه ۲۰۱۶دا آرالارین‌دا شیعه دین آدامی نمر النمرین ده اولدوغو ۴۷ نفر "ترور" سوچلاماسییلا اعدام ائدیلمیشدی. اعداملارا تپکی وئره‌ن ایرا‌نلی مسئوللارین وئردیگی آچیقلامالارین آردیندان سعودی عربیستانین تهران ائلچیلیگی و مشهد شهرینده‌کی کونسوللوق بینالاری ایران‌لی گؤستریچیلر طرفین‌دن یاندیریلمیشدی
بونون اوزرینه سعودی عربیستان، بحرین، کویت و سودان ایرانلا دیپلوماتیک ایلیشکی‌لرینی کسمیش، بیرلشمیش عرب امرلیکلری ایسه ایلیشکیلرینی ایش‌گودر سویه‌سینه ائندیره‌رک تهران ائلچیسی اولاراق وظیفه یئرینه یئتیره‌ن سیف محمد عبید الزعابینی اؤلکه‌سینه گئری چاغیرمیشدی.
ایکی اؤلکه آراسینداکی گؤروشمه‌لرین نتیجه‌سینده بیرلشمیش عرب امرلیکلرینین تهران ائلچیسی ایکن ۲۰۱۶دا اؤلکه‌سینه گئری چاغیریلان سیف محمد عبید الزعابی تخمیناً ۷ ایل آرانین آردیندان ۹ سپتامبر ۲۰۲۲ده اسکی وظیفه‌سینه داوام ائتمک اوزره ایرانا گئتمیشدی.