مسکوادا سوریه توپلانتیسی باشلاییب
روسیانین پایتاختی مسکوادا تورکیه، روسیا، بشار اسد رژیمی و ایران خاریجی ایشلر ناظیرلرینین معاوینلری سویه‌سینده سوریه ایله باغلی گؤروش باشلاییب.
روسیانین پایتاختی مسکوادا تورکیه، روسیا، بشار اسد رژیمی و ایران خاریجی ایشلر ناظیرلرینین معاوینلری سویه‌سینده سوریه ایله باغلی گؤروش باشلاییب.
روسیا خاریجی ایشلر ناظیرلیگینده ناظیر سرگئی لاورووون آچیلیش نطقی ایله چیخیش ائتدیگی ایجلاسدا تورکیه نوماینده هئیتینه خاریجی ایشلر ناظیرینین معاوینی بوراک آکچاپار باشچی‌لیق ائدیر.
توپلانتیدا روسیانی تمثیل ائدن پرزیدنت ولادیمیر پوتین‌ین اورتا دوغو و افریقا اؤلکه‌لری اوزره خصوصی نوماینده‌سی میخائیل بوگدانوو، ایرانی تمثیل ائدن خاریجی ایشلر ناظیرینین سیاسی مسئله‌لر اوزره مشاویری علی اصغرحاجی و اسد رژیمینی تمثیل ائدن خاریجی ایشلر ناظیرینین معاوینی ایمن سوزان ایشتیراک ائدیر.
دیپلوماتیک منبع‌لردن الده ائدیلن معلوماتا گؤره، مسکوا دانیشیق‌لاری 4 اؤلکه‌نین خاریجی ایشلر ناظیرلری آراسیندا آرزو اولونان گؤروش اوچون زمین آراشدیرماسی اولا‌جاق.
طرف‌لر ناظیرلرین هانسی گونده‌لیگی گؤروشه بیله‌جگی و هانسی امکداش‌لیق ساحه‌لرینی نظردن کئچیره بیله‌جک‌لری باره‌ده فیکیر موبادیله‌سی آپارا‌جاق‌لار.
گؤروش مطبوعاتا قاپا‌لی کئچیریلیر.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
