ایرانلا تیجارت مکانیزمی اینستکس منحل ائدیلیر
اینگیلتره، فرانسا و آلمانیا، ایرانلا تیجارتی داوام ائتدیرمک اوچون ۲۰۱۹-جو ایلده قورولان اینستکس آدلی اؤزل اؤده‌مه شیرکتینه باغلی اورتاق آچیقلاما یاییملادی
آمریکا بیرلشمیش دؤولتلرینین ایرانا قارشی تحریملرینه قارشی آلمانیا، اینگیلتره و فرانسا طرفیندن قورولان و ۱۰ آوروپا اؤلکه‌سینین قاتیلدیغی تیجارت مکانیزمی اینستکسین منحل ائدیلمه‌سینه قرار وئریلدی.
اینگیلتره، فرانسا و آلمانیا، ایرانلا تیجارتی داوام ائتدیرمک اوچون ۲۰۱۹-جو ایلده قورولان اینستکس آدلی اؤزل اؤده‌مه شیرکتینه باغلی اورتاق آچیقلاما یاییملادی.
آچیقلامادا، اینستکس سهمداری اولان بلژیک، دانمارک، فنلاند، فرانسا، آلمانیا، هلند، نروژ، ایسپانیا، سوئد و اینگیلتره‌نین شیرکتی منحل ائتمه‌یه قرار وئردیکلری ایفاده ائدیلدی.
اینستکسین اؤزللیکله درمان و قیدا کیمی محصوللاردا آوروپا ایله ایران آراسینداکی قانونی تیجارتی آسانلاشدیرماق اوچون قورولدوغو خاطیرلادیلان آچیقلامادا، بونون ۴ ایل بویونجا آوروپا ایله ایران آراسیندا تیجاری فعالیتی آسانلاشدیرماغا چالیشدیغی ایفاده ائدیلدی.
آچیقلامادا، "ایران، اینستکسین وظیفه‌سینی یئرینه یئتیرمه‌سینی سیاسی سببلرله و سیستماتیک شکیلده انگگله‌دی" آچیقلاماسینا یئر وئریلدی.
ایرانین، اینستکس ایله ۲۰۲۰.جی ایلده آوروپادان ایرانا طبی لوازم صادراتی اوچون یالنیز ۱ ایشلم ائتمه‌یی قبول ائتدیگی خاطیرلادیلان آچیقلامادا، ایرانین آوروپابیرلیگی اؤلکه‌لری، اینگیلتره و نوروژ ایله موختلیف ایشلم تکلیفلرینی داواملی و قصدلی اولاراق انگلله‌دیگی ادعا ائدیلدی.
آچیقلامادا، ایرانین اینستکس شیرکتیله ارتباط قورماغی اصرارلا قبول ائتمه‌دیگینه ایشاره ائدیله‌رک، "سهمدارلار، آرتیق اینستکسی فعال وضعیتده توتماق اوچون شرایط اولمادیغی نتیجه‌سینه واردیلار" دگرلندیرمه‌سی وئریلدی.
آمریکا بیرلشمیش دؤولتلری، دونالد ترامپین باشقانلیغی دؤورونده ایرانلا نۆوه آنلاشمادان چکیله‌رک اؤلکه‌یه یئنی‌دن تحریملر تطبیق ائتمه‌یه باشلامیشدی.
قرار قارشیسیندا آوروپا اؤلکه‌لری، آمریکا بیرلشمیش دؤولتلریین ایرانا تطبیق ائتدیگی تحریملردن آوروپابیرلیگی اؤلکه‌لریندن سرمایه‌چیلرین تأثیرله‌نمه‌مه‌سی و اؤلکی ایله تیجاری ایلیشکیلری داوام ائتدیره‌بیلمک اوچون اینستکس آدلی اؤزل اؤده‌مه مکانیزمی قورموشدو.
