ایسراییل غزه زولاغینا هاوا ضربه‌لری ائندیریب
ایسراییل قیریجی‌لاری غزه زولاغینا هاوا ضربه‌لری ائندیریب.
ایسراییل-ین دؤیوش اوچاق لاری محاصره‌ده اولان غزه زولاغینا هاوا ضربه‌لری ائندیریب.
ایسراییل اوردوسونون سؤزچوسو آویچای آدرایی توییتر حسابیندان وئردیگی آچیقلامادا دؤیوش اوچاق لاری بو گئجه غزه-نین اورتاسیندا حماس-ین راکت اوره تیمی خام ماده لرینین اولدوغو یئری هدف آلدیغینی بیلدیریب.
آدرایی قئید ائدیب کی، هوجوم فوریه‌نین 11-ده غزه-دن ایسراییله آتیلان راکت‌لره جاواب اولا‌راق حیاتا کئچیریلیب.
هاوا هوجومونون حماس-ین گوجونو و سیلاحلانما سعی‌لرینی انگل‌لمک مقصدی داشیدیغینی بیلدیرن آدرایی حماس ایسراییلی هدف آلان و تهلوکه‌سیزلیگینه ضربه ووران عملیات‌لاری‌نین جاوابینی آلاجاغینی سؤیله‌ییب.
غزه-ده شاهیدلر ایسراییلین هاوا ضربه‌لرینی تصدیقله‌یه‌رک بومبا‌لانان اراضی‌لرده و اونلارین یاخین اطراف‌لاریندا مادی ضیانین اولدوغونو بیلدیریب‌لر.
شهرده‌کی ساغلیق ناظیرلیگی ایسه هوجوم نتیجه‌سینده اؤلن و یا یارا‌لانان‌لارین اولوب-اولماماسی ایله باغلی هله‌لیک آچیقلاما وئرمه‌ییب.
