سوریه-ده زلز‌له نتیجه‌سینده اؤلنلرین سایی 8500 نفره چاتیب
بو باره‌ده دونیا ساغلیق تشکیلاتی‌نین دوغو آغ دنیز بولگه‌سی فوق العاده مودیری ریچارد برنان معلومات یاییب.
مرکزی قهرمان ماراش اولان 7،7 و 7،6 شدتینده‌کی زلز‌له‌لردن تأثیرلنن سوریه-ده اؤلو سایی 8500 نفره چاتیب. بو رقمین آراتا بیله‌جگی احتیمال اولونور.
بو باره‌ده دونیا ساغلیق تشکیلاتی‌نین دوغو آغ دنیز بولگه‌سی فوق العاده مودیری ریچارد برنان معلومات یاییب. او: " زلزلهلر نتیجه‌سینده سوریه-ده حیاتینی ایتیرن‌لرین سایی 8500 نفره چاتیب. قطعی رقم دئمک چتین‌دیر، سایی گونو-گون‌دن آرتیر. آنجاق بو گونه مخصوص معلومات‌لارا گؤره سوریه حکومتی‌نین نظارتی آلتیندا اولان بؤلگه‌لرده تخمینن 4 مین آدام حیاتینی ایتیریب، 2 مین 500 نفر یارالانیب، سوریه-نین قوزیی- باتی سیندا ایسه 4 مین 500 نفر اؤلوب، 7 مین 500 آدام بدن خسارتی آلیب. بو رقم‌لرین آرتا بیله‌جگی گوجلو احتیمال‌دیر".
اؤتن هفته تورکیه-نین 10 شهرینده باش وئرن و مین‌لرله اینسان حیاتینی ایتیرمه‌سی ایله نتیجه‌لنن 7،7 و 7،6 شدتینده زلزلهلر "عصرین فلاکتی" دئیه خارکتئریزه ائدیلیب.
