افغانیستان-دا سویوق هاوا شرایطی سببیندن حیاتینی ایتیرنلرین سایی 70-ا یوکسلیب
افغانیستان-دا سون گونلر سویوق هاوا شرایطی سببیندن حیاتینی ایتیرنلرین سایی 70-ا یوکسلیب.
افغانیستان-دا سون گونلر سویوق هاوا شرایطی سببیندن حیاتینی ایتیرنلرین سایی 70-ا یوکسلیب.
طالبان موقتی حکومتینین طبیعی فلاکتلر مسئول دؤولت ناظیرلیگی سون 8 گونده اؤلکه اراضیسینده هاوا شرایطینین کسکین پیسلشمهسی سببیندن 70 نفرین حیاتینی ایتیردیگینی آچیقلاییب.
"ایلکین معلوماتلارا گؤره، بادغیس، غزنی، نیمروز، پکتیکا، هرات، قندهار و فاریاب-دا قار یاغماسی و سویوق هاوا سببیندن 70 نفر حیاتینی ایتیریب"- دئیه فوق العاده حاللار مرکزینین مودیری مولوی عبدالله محمدی بیدیریب.
مولوی عبدالله محمدی اؤلکه ده 70 مین حیوانین دا عینی سببدن تلف اولدوغونو سؤیلهییب. افغانیستانین باتی سینداکی هرات ایالتینده قیش مؤوسومو باشلایاندان کوچهلرده یاشایان 45 معتاد دوناراق اؤلدوگو آچیقلانیب.
افغانیستان-دا اقتصادی بحران سببیندن قیشدا اودون و کؤمور آلا بیلمهین بؤیوک بیر یوخسول اهالی قروپو وار. کند یئرلرینده رسمی قئیدیاتین آپاریلماماسی اوخشار ایتکیلرین داها چوخ اولاجاغی احتیمالینی آرتیریر.
خصوصیله قیشدا نقلیاتین چتینلیگی اینسانی تشکیلاتلارین احتیاجی اولان عائلهلره یاردیم چاتدیرماسینی چتینلشدیریر.