تهران‌دا بیر سپاه باشچیسی اؤلدورولدو
تهرانین گونئیینده‌کی ائوینین قارشیسیندا تشکیل ائدیلن سالدیریدا ۴ گولـله ایله وورولان قاسم فتح‌اللهی‌نین حیاتینی ایتیردیگی بیلدیریلدی
1927829
ایرانین باشکندی تهران‌دا سپاه اوردوسو باشچیلاریندان بیری ائوینین قارشیسیندا سلاحلی سالدیری نتیجه‌سینده حیاتینی ایتیردی.
ایرانین یاری رسمی فارس خبر آژانسینین معلوماتینا گؤره، سپاهین تهران‌داکی محمد رسول‌الله بؤلومونده خیدمت ائد‌ن قاسم فتح‌اللهی آدلی سوبای، سلاحلی سالدیرییا اوغرادی.
باشکندین گونئیینده‌کی ائوینین قارشیسیندا تشکیل ائدیلن سالدیریدا ۴ گولـله ایله وورولان فتح‌اللهی‌نین حیاتینی ایتیردیگی بیلدیریلدی.
حادثه ایله باغلی "ترور سالدیریسی" دئیلن خبرده، فتح‌اللهی‌نین عینی زاماندا سپاها باغلی بسیج گوجونون باشچیلاریندان بیری اولدوغو ایفاده ائدیلدی.
دیگر طرف‌دن، تهران پلیس بیلگی مرکزینین باشقانی آلبای علی صباحی، سالدیری ایله باغلی سوروشدورمانین داوام ائتدیگینی آچیقلادی.
