ایران‌دا اعتراضلار سیراسیندا اؤلنلرین ساییسی آچیقلاندی
ایرانلی مقاملار، اؤلدوروله‌ن اینسانلار گوونلیک گوجلری طرفیندن دئییل، «تخریبات‌چیلار» طرفیندن اؤلدورولدوگونو ادعا ائدیر
نروژ مرکزلی ایران اینسان حاقلاری تشکیلاتی، ایران‌دا گؤستریلرده حیاتینی ایتیره‌نلرین ساییسیین ۴۷۶ نفره یوکسلدیگینی آچیقلادی.
اینسان حاقلاری تشکیلاتینین اینترنت سایتین‌دا یاییملانان راپوردا، حیاتینی ایتیره‌ن گؤستریچیلردن ۳۴نون قادین، ۶۴نون ایسه ۱۸ یاش‌دان کیچیک اولدوغو بیلدیریلدی.
اؤلکه‌نین ۳۱ ایالتین‌دن ۲۵ینه دایر معلوماتلارین یئر آلدیغی راپورا گؤره، ان چوخ ایتکی سنیلرین اکثریتده یاشادیغی سیستان-بلوچیستان ایالتینده باش وئردی.
راپوردا سیستان-بلوچیستان‌دا ۱۳۰، کوردوستان‌دا ۵۳، باتی آذربایجان‌دا ۵۵، تهراندا ۵۲، مازندران‌دا ۳۸، گیلان‌دا ۲۶، کرمانشاه‌دا ۲۵، البرزدا ۲۳، اصفهان‌دا ۱۴، فارس‌دا ۱۱، خوزستان‌دا ۱۱، رضوی خوراسان‌دا ۷، دوغو آذربایجان‌دا ۴، لورستان، زنجان، مرکزی، قزوین و همدان‌دا هر بیرینده اوچ، کهکیلویه و بویر احمد، اردبیل، ایلام، بوشهر و هرمزگان‌دا هر بیرینده ایکی نفر و سمنان و گولیستاندا هر بیرینده ایسه بیر گؤستریچینین حیاتینی ایتیردیگی قید ائدیلدی.
اعدام جزاسینا محکوم ائدیله‌ن محسین شکاری توتوقلاندیقدان ۷۵ گون سونرا د ۸ دسامبردا ، مجیدرضا رهنورد ایسه ۲۳ گون سونرا ۱۲ دسامبردا اعدام ائدیلدی.
راپوردا ان آز ۱۰۰ نفرین اعدام و یا جزاسی آلما یا دا اعدام ائدیلمه ریسکی ایله قارشی قارشییا اولدوغو بیلدیریلرک، حاضیردا اعدام جزاسینا محکوم ائدیله‌نلرین ده اولدوغو خاطیرلادیلدی.
گنج بیر قادینین تهراندا اخلاق پلیسی طرفیندن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمه‌سی ایله اؤلکه‌ده اعتراضلار باشلامیشدی.
ایرانین گوونلیک شوراسی ۳ دسامبردا اؤلنلرین توپلام ساییسینین ۲۰۰ نفری گئچدیگینی آچیقلامیشدی.
ایرانلی مقاملار، اؤلدوروله‌ن اینسانلار گوونلیک گوجلری طرفیندن دئییل، «تخریبات‌چیلار» طرفیندن اؤلدورولدوگونو ادعا ائدیر.
