پ.کا.کا/ی.پ.گ داها بیر قیز اوشاغینی اوغورلاییب

سوریه-ده سیویل شخص‌لره قارشی حقوق پوزونتولارینی سندلشدیرن سوریه اینسان حاق‌لاری شبکه‌سی ترور تشکیلاتی پ.کا.کا/ی.پ.گ-نین حلب-ده نؤوبتی دفعه بیر قیزی اوغورلادیغینی آچیقلاییب.

بیلدیریلیب کی، ترور تشکیلاتی 14 یاش‌لی قیزی سلاح‌لی هئیتینه قاتماق اوچون اونو عائله‌سیندن آلیب.

پ.کا.کا/ی.پ.گ ایللردیر دونیانین گؤزو قارشی‌سیندا بو جینایتی تؤره‌دیر.

دسامبر آییندا تشکیلات تل رفعت و منبیج-ده 15 یاش‌لی ایکی اوشاغی اوغورلاییب.

ترور تشکیلاتی اوغورلادیغی گنج‌لری و اوشاق‌لاری سلاح‌لی تعلیم وئرمک و ترور فعالیت‌لرینده ایستیفاده ائتمک اوچون دوشرگه‌لره آپاریر.

تشکیلاتین اوشاق‌لارا قارشی تؤرتدیگی جینایت‌لر چوخ واخت اولوسلار آراسی تشکیلات‌لارین راپورلاریندا یئر آلیر.

بمت-نین "2021 اوشاق و سلاح‌لی موناقیشه‌لر" راپورونا گؤره، ترور تشکیلاتی پ.کا.کا/ی.پ.گ اؤتن ایل 221 اوشاغی اوغورلاییب، 18 اوشاغی قتله یئتیریب.