ائرمنیستان باریش دانیشیق‌لاریندا ایشتیراک‌دان ایمتینا ائدیب

ایروان آذربایجان، روسیا و ائرمنیستان خاریجی ایشلر ناظیرلرینین دسامبرین 23-ده مسکوادا کئچیریلمه‌سی نظرده توتولان گؤروشون‌دن ایمتینا ائدیب.

روسیا خاریجی ایشلر ناظیرلیگیندن وئریلن یازیلی آچیقلامایا گؤره، روسیا خاریجی ایشلر ناظیری سرگئی لاوروو و آذربایجانین خاریجی ایشلر ناظیری جیهون بایراموو آراسیندا تلفون دانیشیغی اولوب.

گؤروش زامانی لاچین دهلیزی‌نین باغلانماسی و طرف‌لر آراسیندا بؤلگه‌ده‌کی فایدا‌لی قازینتی یاتاق‌لاری ایله باغلی فعالیت‌لر مؤوضوع سوندا فیکیر آیری‌لیق‌لاری سببیندن گرگین‌لشن روسیا باریش گوجونون مسئولیتینده اولان بؤلگه‌ده‌کی وضعیت موذاکیره اولونوب.

روسیانین خاریجی ایشلر ناظیری لاوروو وورغولاییب کی، "داغلیق قاراباغ و ائرمنیستان آراسیندا لاچین دهلیزینده مانعه‌سیز علاقه‌نین تامین ائدیلمه‌سینه دایر اوچ طرف‌لی سازیش‌لره جدی عمل ائدیلمه‌لی‌دیر".

روسیا، آذربایجان و ائرمنیستان لیدرلری‌نین 2020، 2021 و 2022-جی ایللرده قبول ائتدیک‌لری بیاننامه‌لرین حیاتا کئچیریلمه‌سی‌نین واجیب‌لیگی‌نین وورغولاندیغی تلفون دانیشیغیندا "باریش راضیلاشماسی اوچون صاباح مسکوادا کئچیریلمه‌سی پلانلاشدیریلان آذربایجان و ائرمنیستان خاریجی ایشلر ناظیرلری توپلانتی‌سینا رسمی ایروانین ایشتیراک ائتمگی قبول ائتمه‌مه‌سی‌نین اوزوجو اولدوغو" قئید ائدیلیب.