ایراندا بعضی اونیوئرسیتهلرده بایکوت قراری وئریلدی
اونیوئرسیته اؤیرنجیلری، باشلایان گؤستریلردن سونرا اونیوئرسیته یؤنهتیملرینین اؤیرنجیلره قارشی اویقولامالارینا اعتراض اولاراق ۳ گون بویو درسلری بایکوت ائدجکلرینی آچیقلادیلار
ایراندا اونیوئرسیته اؤیرنجیلری مهسا امینینین پلیسده گؤزآلتیندا ایکن حیاتینی ایتیرمهسی ایله باشلایان گؤستریلردن سونرا اونیوئرسیته یؤنهتیملرینین اؤیرنجیلره قارشی اویقولامالارینا اعتراض اولاراق ۳ گون بویو درسلری بایکوت ائدجکلرینی آچیقلادیلار.
ایسلامی قورولوشلار اؤیرنجی بیرلیگینین تلگرام صحیفهسینده درج اولونان آچیقلامادا مازندران ایالتیندهکی "نوشیروانی" و "بیلیم و تکنولوژی" اونیوئرسیتهلرینین اؤیرنجیلرینین ۵-۷ دسامبردا درسلره قاتیلمایاجاقلاری بیلدیریلدی.
بایکوت قراری وئرهن اؤیرنجیلر، "توتولان بوتون اؤیرنجیلری آزاد ائدیلمهسی، پلیس و گوونلیک قوهلرینین اونیوئرسیته ساحهسینده موداخیلهسینین دوردورلماسی، انظباطی کمیتهده آلینان بوتون قرارلارین لغو ائدیلمهسی، اؤیرنجیلرین اونیوئرسیتهده توپلانتی گئچیرمه حاقینین تامین ائدیلمهسی و اونیوئرسیته محیطیندن اؤیرنجیلرین توتولاراق آپاریلماسی کیمی اولایلاردا مسئولیتی اولانلارین معین ائدیلهرک جزالاندیریلماسی" کیمی طلبلر ایرلی سوردوگو بیلدیریلدی.
اصفهان طب بیلیملری اونیوئرسیتهسینین اؤیرنجیلری ده ینزر طلبلرله چیخیش ائدرک ۳ گونلوک بایکوت قرارینی دستکلهدیکلرینی آچیقلادیلار.
تهران بیلیم و تکنولوژی اونیوئرسیتهسینین ۶۲ خوجاسی ایسه "اونیوئرسیتهنین اؤیرنجی و خوجالارینا ائدیلن باسقیلارا اعتراض اولاراق" اونیوئرسیته رئیسینه بیر آچیق مکتوب یاییملادی.
مکتوبدا، "بعضی اؤیرنجیلر حاقیندا آلینان اونیوئرسیتهیه گیریش قاداغاسینین قالدیریلماسی، اؤیرنجیلردن هئچ بیر شکیلده تعهدنامه آلینماماسی، انظباطی جزالارین لغوی و انظباط کمیتهسی پروندهلرینین باغلانماسی" کیمی طلبلر ایرلی سورولدو.
تهراندا ۱۶ سپتامبردا "اخلاق پلیسی" طرفیندن توتولدوقدان سونرا وضغیتی پیسلهشرک خستهخانایا یئرلشدیریلهن ۲۲ یاشلی مهسا امینینین ۱۳ سپتامبردا یاشامینی ایتیرمهسی اؤلکه یؤنهتیمینه قارشی اعتراضلارا سبب اولموشدو.
کوچه اعتراضلاری ایله یاناشی، اعتراضلار اونیوئرسیتهلره ده سیرایت ائتمیش و اؤیرنجیلر زامان زامان گوونلیک قوهلرینین سرت موداخیلهلری ایله اۆزلشمیشدی.
گؤستریلره قاتیلان اونلارجا اؤیرنجی ساخلانیلارکن، اونیوئرسیته یؤنهتیملری بعضی اؤیرنجیلرین اوخولا گیریشینه قاداغا قویموش، بعضیلری ایسه انظباط کمیتهسی قراری ایله اونیوئرسیتهلردن اوزاقلاشدیریلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.