ایران، اورانیوم زنگینلشدیرمه‌یه باشلادی
تهران یؤنه‌تیمینین اولوسلارآراسی اتم انرژیسی آژانسی یؤنه‌تیم قورولوندا آلینان قرارا تپکی اولاراق یوکسک سویه‌ده اورانیوم زنگینلشدیرمه‌یه باشلادیغی آچیقلاندی
ایران، اولوسلارآراسی اتم انرژیسی آژانسینین یؤنه‌تیم قورولوندا آمریکا، اینگیلتره، فرانسا و آلمانیانین اؤنچولوگونده قبول ائتدیلن قرارا تپکی اولاراق، فردوداکی نۆوه تاسیسینده اورانیومو یۆزده ۶۰ صافلیقلا زنگینلشدیرمه‌یه باشلادی.
ایران دؤولت تلویزیونونا گؤره، تهران یؤنه‌تیمی اولوسلارآراسی اتم انرژیسی آژانسی ایله یئترلی امکداشلیق ائتمه‌دیگی سببی ایله اولوسلارآراسی اتم انرژیسی آژانسی یؤنه‌تیم قورولوندا آلینان قرارا تپکی اولاراق یوکسک سویه‌ده اورانیوم زنگینلشدیرمه‌یه باشلادیغینی آچیقلادی.
بو چرچیوه‌ده ایران اتم انرژیسی قورومونون فردوداکی نۆوه تاسیسینده اورانیومون یۆزده ۶۰ صافلیقلا زنگینلشدیریلمه‌سی پروسه‌سینه باشلادیغی و بو نیسبتده زنگینلشدیریلمیش اورانیومون میقدارینی آرتیردیغی بیلدیریلدی.
قرارا جاواب اولاراق نطنز و فردوداکی تاسیلرده یئنی سانتریفوژ زنجیری یارادیلاجاغی و فردوداکی آی‌آر۱ سانتریفوژلارینین داها سرعتلی اورانیوم زنگینلشدیره‌بیله‌ن یئنی نسیل آی‌آر۶ سانتریفوژلاری ایله دییشدیریله‌جگی بیلگیسی ده وئریلدی.
