بمت ایران-دا "اینسان حقوق‌لاری پوزونتولارینی" آراش‌دیرماق اوچون مکانیزم یاراتماغا چاغیریب

بیرلشمیش میللت‌لر تشکیلاتی‌نین (بمت) خصوصی گزارشگری جاوید رحمان ایران-دا هفته‌لردیر داوام ائدن اعتراضلاردا تهلوکه‌سیزلیک قوه‌لری‌نین "اینسان حقوق‌لاری پوزونتولارینی" آراش‌دیرماق اوچون مکانیزم یاراتماغا چاغیریب.

رحمان مطبوعاتا وئردیگی آچیقلامادا ایران-دا مهسا امینی آدلی گنج قادی‌نین کئچن آی پولیس نظارتینده اولارکن اؤلمه‌سیندن سونرا باشلایان اعتراضلارا تهلوکه‌سیزلیک قوه‌لری‌نین موداخیله‌سینی دیرلندیریب.

جاوید رحمان مهسا امینی‌نین "قددار نتیجه‌لرله اوزلشن ایلک قادین اولمادیغینی و سونونجو دا اولمایاجاغینی" دئییب و علاوه ائدیب کی، ایران‌داکی اعتراضلاردا "دؤولت اورقان‌لاری طرفیندن اؤلدورولن قادین و اوشاق‌لارلا باغلی خبرلر آلینیب" دئییب.

سپتامبرین 16-دا اؤلکه‌ده باشلایان اعتراضلاردا ان آز 27 اوشاغین اؤلدوگو باره‌ده معلومات الده ائتدیک‌لرینی بیلدیرن رحمان عمومی‌لیکده ان آز 250 نفرین اؤلدوگونو بیلدیریب.

ایرانین "دایمی مسئولیته جلب ائدیلمه‌سینی" ایسته‌دیک‌لرینی ایفاده ائدن رحمان "اولوسلار آراسی توپلومون ایران-دا اینسان حاق‌لاری پوزونتولاری‌نین جزا‌سیز قالماماسی اوچون حرکته کئچمک عهده لیگی اولدوغونو" ایفاده ائده‌رک، عاجیل اولا‌راق اولوسلار آراسی مکانیزمین قورولماسینی ایسته‌ییب.