اردوغان آستانادا پوتین ایله گؤروشدو
"تورکیه آوروپا بیرلیگینه گاز تداروکونون ان گوونلی یولو اولدوغونو اثبات ائتدی"
جمهورباشقانی رجب طیب اردوغان، آسیادا امکداشلیق و گۆون آرتیریجی تدبیرلری کنفرانسینین ۶.جی ذیروه توپلانتیسی ایله باغلی قازاقیستانین باشکندی آستاناداکی گؤروشمهلری چرچیوهسینده، روسیا دؤولت باشقانی ولادیمیر پوتینله گؤروشودو.
موستقیللیک ساراییندا مطبوعاتا قاپالی گئچیریلهن گؤروشمهدن اول ایکی لیدئرین هر بیری قیسا آچیقلاما وئردی.
جمهورباشقانی اردوغان آچیقلاماسیندا،
"آککویونون ایلک توربینینین گلن ایلین ایلک یاریسیندا آچیلیشی دونیادا چوخ دقت چکهجک. (نۆوه مرکزی) سینوپلا باغلی آددیم آتیلابیلرسه، طبیعی کی، بونون چوخ فرقلی آرتان تاثیری اولاجاق" ایفادهلرینی ایشلتدی.
جمهورباشقانی اردوغان تاخیل دالانی ایله باغلی دا بونلاری قید ائتدی:
"ایستانبول آنلاشماسینی گوجلهندیرهرک داوام ائتدیرمهمیز، روسیا تاخیلی و گوبرهسینین تورکیه اوزریندن آز گلیشمیش اؤلکهلره داشینماسی قونوسوندا عزملیییک. تورکیه و روسیانین بو پروسهده آتاجاغی آددیملار معین دایرهلری راحاتسیز ائدجک، عینی زاماندا آز گلیشمیش اؤلکهلری ده سئویندیرهجک".
روسیا دؤولت باشقانی پوتین ایسه گاز تدارکوندا تورکیهنین آوروپا بیرلیگی اوچون ان گوونلی مسیر حالینا گلدیگینی سؤیلهیرک،
"تورکیهنی دونیانین ان بؤیوک گاز قووشاغینا چئویرمک نیتیمیزی بیلدیردیک" دئدی.
پوتین،
"تورکیه آوروپا بیرلیگینه گاز تداروکونون ان گوونلی یولو اولدوغونو اثبات ائتدی. روسیادان تورکیهیه هیدروکربن تداروکو تام اولاراق تامین ائدیلیر" دئدی.
ایلگیلیلی خبرلر
داعش سالدیریسیندا بئش عسگر اؤلدو
عراقین صلاحالدین شهرینده بیر نظامی منطقهیه ترور سالدیریسی تشکیل ائدیلدیگی بیلدیریلدی