تهران‌دا پلیس اونیوئرسیته اؤیرنجیلرینه موداخیله ائتدی

ایرانین باشکندی تهران‌دا ‌داوام ائدن اعتراضلاردا اونیوئرسیته اؤیرنجیلرینه پلیس موداخیله ائتدی.

ایران مئدیاسیا گؤره، تهرانین  اونیوئرسیته‌لریندن صنعتی شریف‌ده دونن گئجه گؤستری تشکیل ائدن یوزلرله اؤیرنجی سون حادثه‌لرده ساخلانیلان یولداشلارینین بوراخیلماسینی ایسته‌دی.

گؤستریچیلرین رژیم علیه‌ینه شعارلار سسله‌ندیرمه‌سیندن سونرا اونیوئرسیته‌نی قوشادان گوونلیک گوجلری قالابالیغا گؤزیاشاردیجی گازلا موداخیله ائتدی.

اؤیرنجیلرین اعتراضینا دستک وئرمک ایسته‌یه‌ن تهران اهالیسی ماشینلاری ایله اونیوئرسیته‌یه ​​گئدن آزادی جاده‌سینده کاروان تشکیل ائدرکن، اونیوئرسیته یئرلشکه‌سیندن چیخان اؤیرنجی‌لرین جاده و کوچه‌لرده گؤستریلرینی داوام ائتدیریدیکلری، پلیسین گؤزیاشاردیجی گاز ایله قالابالیغا موداخیله ائتدیگی بیلدیریلیر.

اونلارلا اؤیرنجینین ساخلاندیغی حادثه‌لرین یاتیشدیغی، اؤیرنجیلرین اونیوئرسیته شهرجیگیندن چیخاریلدیغی، و صنعتی شریف اونیوئرسیته‌سینده درسلرین بیر مدتلیک تعطیل ائدیلدیگی ایفاده ائدیلیر.