ایران، شانگهای امکداشلیق تشکیلاتینین دائمی عضوو اولدوغونو آچیقلادی
"انرژی‌دن اقتصادا و تیجارته قدر بیر چوخ ساحه‌ده امکداشلیغین گلیشدیریلمه‌سی آدینا اؤنملی بیر گلیشمه اولدو"
ایران شانگهای امکداشلیق تشکیلاتینین دائمی عضوو اولدو.
ایرانین خاریجی ایشلر باخانی حسین امیرعبداللهیان، سوسیال مئدیا حسابیندان وئردیگی آچیقلامادا، اؤزبکیستانین سمرقند شهرینده، دائمی عضوولوک اوچون تشکیلاتین باش کاتیبی ژانگ مینگ ایله تعهد آنلاشماسی ایمضالادیقلارینی بیلدیریدی.
بئله‌جه، شانگهای امکداشلیق تشکیلاتینا عضو اؤلکه‌لرله ایلیشکیلرین یئنی بیر مرحله‌یه گئچدیگینی قید ائدن امیرعبداللهیان،
"انرژی‌دن اقتصادا و تیجارته قدر بیر چوخ ساحه‌ده امکداشلیغین گلیشدیریلمه‌سی آدینا اؤنملی بیر گلیشمه اولدو. امکداشلیقدا آرتیق یئنی بیر مرهله‌ده‌ییک" ایفاده‌سینی ایشلتدی.
شانگهای امکداشلیق تشکیلاتی، چین، روسیا، قازاقیستان، قیرقیزیستان و تاجیکیستان نماینده‌لرینین چینین شانگهای شهرینده گؤروشه‌رک سرحد بؤلگه‌لرینده حربی گۆونین درینلشدیریلمه‌سی آنلاشماسینی ایمضالاماسییلا، ۱۹۹۶.جی ایلده یارادیلدی.
تشکیلاتا، اؤزبکیستان، پاکیستان و هیندیستانین ایشتیراکی ایله دائمی عضو ساییسی ۸ اولدو. ۲۰۰۵.جی ایلده تشکیلاتا گؤلمچی عضو اولاراق قوشولان ایرانین دائمی عضولوک پروسه‌سینه سپتامبر ۲۰۲۱ده باشلامیشدی.
شانگهای امکداشلیق تشکیلاتیندا تورکیه ایسه دیالوگ اورتاغی اولاراق یئر آلیر.
