مسجیدده انتحار سالدیریسی

افغانیستانین هرات ولایتینده بیر مسجیدده جمعه نامازی سیراسیندا باش وئره‌ن پاتلامدا دین آدامی مؤولوی مجیب الرحمان انصاری یاشامینی ایتیردی.

هرات ولایت سؤزچوسو طرفین‌دن وئریله‌ن آچیقلامادا، گازرگاه مسجیدینده تؤره‌دیله‌ن انتحار سالدیریسیندا مسجیدین امامی و واعظی اولان انصارینین حیاتینی ایتیردیگی آچیقلاندی.

شاهیدلرین بیلدیردیگینه گؤره، انصارینین بعضی قورومالاری و وطنداشلار دا حیاتینی ایتیردی.

ایتکیلرله باغلی دقیق بیر آچیقلاما وئریلمه‌سه ده، اؤلو و یارالانانلارین ساییسینین چوخ اولابیله‌جگی بیلدیریلیر.

سالدیرینین مسئولیتینی هله‌لیک اۆستلنن اولمادی.

طالبان سؤزچوسو ذبیح‌الله مجاهد، توئیتر حسابیندان، انصارینین اؤلوموندن دولایی چوخ کدرلندیکلرینی و فاعللرین توتولاراق جزالاندیریلاجاغینی بیلدیردی.

هرات‌دا بؤیوک بیر مدرسه‌ده درس وئرن انصاری، طالبان اؤنجه‌سی دؤنمده ده افغانیستان حکومتین علیهه‌ینه سرت تنقیدلری و طالبان له‌ینه گوجلو دستک آچیقلامالاری ایله گوند‌مه گلمیشدی.