مسجیدده باش وئرهن پاتلامادا ان آز ۱۷ نفر اؤلدو
طالبانا دستک ایفادهلری ایله تئز تئز گوندمه گلن هرات مسجیدینین امامی مؤولوی مجیب الرحمان انصاری سالدیریدا حیاتینی ایتیردی
افغانیستانین هرات شهرینده مسجیدده باش وئرهن پاتلامادا دین آدامی مؤولوی مجیب الرحمان انصاری ایله بیرلیکده ۱۷ نفر اؤلدو، ۲۳ نفر یارالاندی.
طالبانا دستک ایفادهلری ایله تئز تئز گوندمه گلن هرات مسجیدینین امامی مؤولوی مجیب الرحمان انصاری سالدیریدا حیاتینی ایتیردی.
ساغلیق مسئوللاری، سالدیریدا انصاری ایله یاناشی ۱۷ نفرین ده حیاتینی ایتیردیگینی، ۲۳ نفرین یارالاندیغینی آچیقلادی.
اؤلنلرین ساییسینین آرتابیلهجگیندن قایغی دویولور.
سالدیرینین مسئولیتینی هلهلیک اۆستلنن اولمادی.
طالبان سؤزچوسو ذبیحالله مجاهد، توئیتر حسابیندان، انصارینین اؤلوموندن دولایی چوخ کدرلندیکلرینی و فاعللرین توتولاراق جزالاندیریلاجاغینی بیلدیردی.
هراتدا بؤیوک بیر مدرسهده درس وئرن انصاری، طالبان اؤنجهسی دؤنمده ده افغانیستان حکومتین علیههینه سرت تنقیدلری و طالبان لهینه گوجلو دستک آچیقلامالاری ایله گوندمه گلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.