کویت تخمینن 7 ایلدن سونرا ایرانا سفیر گؤندردی
نئچه ایللیک فاصیلهدن سونرا کویت ایرانا سفیر تعیین ائتدی.
ایرانین رسمی خبر آژانسی ایرنا-نین معلوماتینا گؤره، کویت-ین ایران-داکی یئنی سفیری بدر عبدالله المنیح اعتیمادنامهسینی اؤلکهنین خاریجی ایشلر ناظیری امیر عبداللهیانا تقدیم ائدیب. صحبت زامانی اونلار ایکی اؤلکه آراسیندا علاقهلردن دانیشیبلار.
خاطیرلاداق کی، 2016-جی ایلده سعودی عربیستانینین آرالاریندا شیعه دینچی نمر النمرین ده اولدوغو 47 نفری "ترورچو" آدی ایله اعدام ائتمهسی ایران-دا بؤیوک عکس- صدا دوغورموش، اعتراض آکسیالارینا سبب اولموش، سعودی عربیستانینین ایران سفیرلیگی و مشهد شهرینده یئرلشن کونسوللوق بیناسینا هوجوملار ائدیلمیشدی.
بوندان سونرا سعودی عربیستانی، بحرین و سودان ایرانلا دیپلوماتیک علاقهلری کسمیش، بیرلشمیش عرب امیرلیکلری ایسه موناسیبتلرینی موقتی ایشلر وکیلی سویهسینه ائندیرمیشدی. او زامان کویت ده سفیرینی گئری چاغیراراق ایرانا قارشی دیپلوماتیک هوجوما کئچن 5-جی اؤلکه اولموشدو.