ایسلام امکداشلیق تشکیلاتی ائرمنیستانی قینایان بیانات یاییب
ایسلام امکداشلیق تشکیلاتی آوقوستون 3-ده غیری -قانونی ائرمنی سلاحلی دستهلرینین قاراباغ-دا آذربایجان عسگرینین شهید اولماسی ایله نتیجهلنن هوجومونو پیسلهییب.
ایسلام امکداشلیق تشکیلاتی آوقوستون 3-ده غیری - قانونی ائرمنی سلاحلی دستهلرینین قاراباغ-دا آذربایجان عسگرینین شهید اولماسی ایله نتیجهلنن هوجومونو پیسلهییب.
ایسلام امکداشلیق تشکیلاتیندان وئریلن یازیلی آچیقلامادا ائرمنیستانی 2020-جی ایل نوامبرین 10-دا آذربایجان، ائرمنیستان و روسیا آراسیندا الده ائدیلمیش راضیلاشمایا اویغون اولاراق اوزرینه گؤتوردوگو عهده لیکلری یئرینه یئتیرمهیه و غیری-قانونی سلاحلی دستهلرینی آذربایجان اراضیسیندن چیخارماغا چاغیریب.
مارسین 22-23-ده پاکیستانین پایتاختی ایسلام اباد-دا کئچیریلن ایسلام امکداشلیق تشکیلاتی خاریجی ایشلر ناظیرلرینین 48-جی ایجلاسیندا قبول ائدیلن قرارا ایشاره ائدیلن بیاناتدا آذربایجان-ائرمنیستان موناسیبتلرینین قارشیلیقلی تانیما و ایکی طرفین ده اگمنلیگی، اراضی بوتؤولوگونون قارشیلیقلی تانینماسی و اولوسلار آراسی سویهده تانینمیش سرحدلرینه حؤرمت اساسیندا نورماللاشمایا چاغیریب.
بیاناتدا همچنین سؤزوگئدن هوجومدا شهید اولان آذربایجان عسگری آنار کاظیموو عائلهسینه و یاخینلارینا باش ساغلیغی وئریلیب.
خاطیرلاداق کی، آذربایجان ساوونما ناظیرلیگی آوقوستون 3-ده غیری-قانونی ائرمنی سلاحلی دستهلرینین قاراباغ-دا آتشه توتماسی نتیجهسینده بیر آذربایجان عسگرینین شهید اولماسی بارهده معلومات یاییب.
ناظیرلیکدن وئریلن معلوماتا گؤره، روسیا عنصورلارینین موقتی یئرلشدیریلدیگی بولگه لرده یئرلشن غیری-قانونی ائرمنی دستهلرینین لاچین اراضیسیندهکی آذربایجان موضع لرینی شدتلی آتشه توتوب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.