ایران، جان بولتونا سوءقصد سوچلاماسینی رد ائتدی

ایران، آمریکادا بیر وطنداشینین اؤنجه‌کی پرزیدنت دونالد ترامپ دؤنمینده میللی گوونلیک موشاویرلیگی وظیفه‌سینده چالیشمیش جان بولتونا سوءقصد پلانلاماقلا سوچلانماسینی "اساسسیز" اولاراق دگرلندیردی.

ایران خاریجی ایشلر باخانلیغی سؤزچوسو ناصر کنعانی، بو مؤوضوع ایله باغلی وئردیگی یازیلی آچیقلامادا آمریکا یارغی مقاملارینین "سیاسی سببلرله و گئچرلی دلیللر سونمادان" بو اؤلکه‌ده‌کی بیر ایران وطنداشینی سوچلادیغینی ادعا ائتدی.

کنعانی،

"ایران بو گولونج و اساسسیز اتهاملاری بهانه ائد‌رک، ایران وطنداشلارینا هر هانسی بیر ائیلمه قارشی سرت اویاری وئرمکده، ایران وطنداشلارینین حاقلارینی ساوونماق اوچون اولوسلارآراسی حقوق چرچیوه‌سینده بوتون تدبیرلری گؤرمک حاقینی اؤزونده ساخلادیغینی وورغولاماقدادیر" ایفاده‌لرینی ایشلتدی.

واشینقگتن، ایرانین سپاه اوردوسونون عضوو اولدوغو ادعا ائدیله‌ن شهرام پورصفی آدلی ایران وطنداشینی بولتونو اؤلدورمه پلانلاری قورماقلا سوچلامیشدی.