روسیا بولقاریستان-‌لی دیپلومات لاری آرزو اولونماز شخص اعلان ائدیب

روسیا بولقاریستان سفیرلیگی‌نین 14 امکداشینی اؤلکه‌دن چیخاریر.

بو باره‌ده روسیا خاریجی ایشلر ناظیرلیگی‌نین آچیقلاماسیندا بیلدیریلیب.

ناظیرلیک‌دن وئریلن آچیقلامادا بولقاریستانین موسکوا‌-داکی سفیری آتاناس کریستین ناظیرلیگه چاغیریلدیغی و بولقاریستان حاکمیتی‌نین 70 روس دیپلوماتینی قبول ائدیلمز شکیلده آرزو اولونماز شخص اعلان ائتمه‌سینه اعتراض ائدیلدیگی بیلدیریلیب.

آچیقلامادا "بولقاریستان حکومتی‌نین روسیا دیپلوماتیک میسیون نوماینده‌لری‌نین سایینی آزالتماق اوچون آتدیغی آددیم‌لارا جاواب اولا‌راق، سفیر کریستینه بولقاریستانین روسیا-‌داکی 14 امکداشینی آرزو اولونمازشخص اعلان ائدن نوتا وئریلیب. بیز حساب ائدیریک کی، روسیایا قارشی غیری-دوست آددیم‌لارین بولقاریستان و اونون خالقی‌نین میللی ماراق‌لاری ایله هئچ بیر علاقه‌سی یوخ‌دور" ایفاده‌لردن ایستیفاده ائدیلیب.