اوکراینادا اؤلن وطنداشلارین ساییسی آچیقلاندی
"مولکی ایتکیلرین گئرچک ساییسینین داها چوخ اولماسی احتمالی وار"
۲۴ فوریهدن بری داوام ائدن روسیا-اوکراینا ساواشیندا ۵۱۰۰ اوکراینالی مولکی وطنداشین حیاتینی ایتیردیگی آچیقلاندی.
بیرلشمیش میللتلر تشکیلاتی باش کاتیب سؤزچو یاردیمچیسی فرحان حاق بیرلشمیش میللتلرین نیویورکداکی مرکزینده تشکیل ائتدیگی مطبوعات توپلانتیسیندا "موسکوانین اوکراینایا قارشی حربی عملیاتی باشلایاندان بری ۱۱۸۰۰دن چوخ مولکی وطنداشین وورولدوغونو، بونلاردان اؤلنلرین ساییسینین ایسه ۵۱۰۰ نفری گئچدیگینی" سؤیلهدی.
بیرلشمیش میللتلر اینسان حاقلاری ایزلهمه نمایندهلیگینین، اوکراینادا ایندیه دک اؤلن ۵۱۰۰دن چوخ مولکی وطنداشین ۳۴۶سینین اوشاق اولدوغونو دوغرولادیغینی بیلدیرن حاق،
"مولکی ایتکیلرین گئرچک ساییسینین داها چوخ اولماسی احتمالی وار" دئدی.
حاق، "بیرلشمیش میللتلر مولکی شخصلری ائتکیهین و آیرییم ائتمهین سالدیری راپورلارینین آرتماسیندان درین قایغی دویماقدادیر. چاتیشمانین طرفلری، اوکرایناداکی مولکی شخصلری و نظامی اولمایان آلت یاپینی قوروماق اوچون اولوسلارآراسی اینسانی حقوق چرچیوهسینده اؤز تعهدلارینا عمل ائتملیدیرلر" دئیه دانیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.