لاوروو: ناتونون فعالیتلریندن جدی شکیلده قایغیلیییق
"ناتونون سرحدلریمیزین یاخینلیغیندا، اؤزللیکله ده بالتیک دؤولتلری و لهستانداکی فعالیتلریندن جدی شکیلده قایغیلیییق"
روسیانین خاریجی ایشلر باخانی سرگئی لاوروو، "ناتونون سرحدلریمیزین یاخینلیغیندا، اؤزللیکله ده بالتیک دؤولتلری و لهستانداکی فعالیتلریندن جدی شکیلده قایغیلیییق" دئیه دانیشدی.
سرگئی لاوروو، روسیا فدراسیونو ایله بلاروس آراسیندا دیپلوماتیک ایلیشکیلرین قورولماسینین ۳۰.جو ایلدؤنومو موناسیبتی ایله بلاروسون باشکندی مینسکه سفر ائتدی.
بلاروسون خاریجی ایشلر باخانی ولادیمیر ماکئی ایله گؤروشمهسیندن سونرا گئچیریلهن اورتاق مطبوعات توپلانتیسیندا دانیشان لاوروو،
"ناتونون سرحدلریمیزین یاخینلیغیندا، اؤزللیکله ده بالتیک دؤولتلری و لهستانداکی فعالیتلریندن جدی شکیلده قایغیلیییق. اورتاق فیکریمیز، بو جور حرکتلرین آچیقجا چاتیشماچی بیر کاراکتره صاحیب اولدوغو و آوروپا گوونلیک ساحهسینده گرگینلیگین داها دا آرتماسینا و پارچالانماسینا یول آچاجاغی یؤنوندهدیر " ایفادهلرینی ایشلتدی.
آوروپادا گوونلیک امکداشلیق تشکیلاتینین ۱۹۹۰.جی ایللرین سونوندا و ۲۰۱۰ ایلینده اعلان ائتدیگی گوونلیگین بؤلونمزلیگی پرنسیپینی ییخدیغینی سؤیلهین روس باخان،
"باتی، بئلهجه، هئچ بیر دؤولت، اؤز گوونلیگینی باشقالارینی تهلوکه آتما باهاسینا گوجلهندیرمهمهلیدیر" پرینسیپینی، حرکتلری ایله گؤمدو" دئدی.