روسیا ایله اوکراینا آراسینداکی دانیشیقلار دوردو
روسیانین دییشیکلیکلری نظره آلماماسی سببی ایله اوکراینا ایله روسیا آراسیندا ساواشین دوردورولماسی ایله باغلی هیئتلری آراسی دانیشیقلار پروسهسینین دوردوغو بیلدیریلدی
اوکراینا دؤولت باشقانلیغی دفتری موشاویری میخائیل پودولیاک اؤلکهسی ایله روسیا آراسینداکی هیئتلری آراسی دانیشیقلار پروسهسینین دوردوغونو بیلدیردی.
میخائیل پودولیاک، ۲۴ فوریهده ساواش باشلایاندان بری اوکراینادا وضعیتین چوخ دییشدیگینی ایفاده ائتدی.
"روسیا یؤنتیمینین هله ده بونو باشا دوشمهدیگینی» قید ائدن پودولیاک، روسیانین دییشیکلیکلری نظره آلماماسی سببی ایله اوکراینا ایله روسیا آراسیندا ساواشین دوردورولماسی ایله باغلی هیئتلری آراسی دانیشیقلار پروسهسینین دوردوغونو بیلدیردی. پودولیاک آشاغیداکی ایفادهلری ایشلتدی:
"دانیشیقلار پروسهسی اوکراینادا حادثهلرین نئجه گئتمهسیندن آسیلیدیر. ایستانبول بیاننامهسیندن سونرا هئچ بیر جدی دییشیکلیک و یا ایرلیلهییش اولمادیغی اوچون پروسه دوردورولدو. روسیا هله ده اؤز کلیشه دوشونجهسینی قورویور. عمومیتله، روسیا ساواشین ۸۲.جی گونونده بئله، اوکرایناداکی وضعیتین ان باشیندان بری دوشوندوکلری ایله عینی اولمادیغینی باشا دوشمهدی. آنجاق بونو وورغولاییرام: هر هانسی بیر ساواش یئنه ده دانیشیقلار ماساسی آرخاسیندا بیتهجک".
روسیا و اوکراینا هیئتلری آتیشکسین تامینی اوچون بئلاروسون اوچ دفعه، تورکیهده بیر دفعه اوز اوزه موذاکبره ائتدیلر.