روس ائلچییه قیرمیزی بویا آتیلدی

لهستانلی گؤستریچیلر روسیانین لهستانداکی ائلچیسینه قیرمیزی بویا آتدی.

روسیانین لهستانداکی ائلچیسی، نازی آلمانیاسینا قارشی غلبه‌نین ۷۷.جی ایل دؤنومونو سببی ایله باشکند ورشوداکی سووئت حربی قبیریستانلیغینی گزرکه‌ن قیرمیزی بویا ایله سالدیرییا معروض قالدی. روسیانین اوکراینایا سالدیریسینا اعتراض ائد‌ن لهستانلی گؤستریچیلر بونونلا دا روسیا ائلچیسی سرگئی آندریوین قبیریستانلیغا گئتمه‌سینه مانع اولدو.