روسیادا آراشدیرما انستیتوسوندا چیخان یانغیندا اؤلو ساییسی آرتدی

روسیا ساوونما باخانلیغینا باغلی آراشدیرما انستیتوسوندا گئچه‌ن هفته چیخان یانغیندا ۱۷ نفرین حیاتینی ایتیردیگی بیلدیریلدی.

توئر شهری مسئوللاری، بؤلگه‌ده اولان هاواچیلیق و اوزای ساوونما گوجلری مرکز آراشدیرما انستیتوسوندا ۲۱ آوریل‌ده چیخان یانغینلا باغلی آچیقلاما یاییملادی.

آچیقلامادا، "تأسف کی، یانغین سببیله حیاتینی ایتیره‌نلرین ساییسی ۱۷ نفره یوکسلدی" ایفاده‌سی ایشله‌دیلدی.

یانغین سببیله تامامیله زیان گؤره‌ن و روسیا ساوونما باخانلیغینا باغلی ایشلرین ایجرا ائدیلدیگی انستیتو‌دا، اسکندر بالیستیک موشک سیستمینه باغلی آراشدیرمالار دا ائدیلیردی.