"زلنسکی ان آز اوچ سوءقصد گیریشیمیندن قورتولدو"

اوکراینا دؤولت باشقانی ولودیمیر زلنسکینین گئچه‌ن هفته ان آز اوچ سوءقصد گیریشیمین‌دن قورتولدوغو ادعا ائدیلدی.

اینگیلیس تایمز قزئتینین خبرینه گؤره، روسیانین اوکراینانی ایشغال ائتمه‌سینین آردین‌دان سوءقصد تیملری اوچ دفعه زلنسکینی اؤلدورمه‌یه چالیشدی.

ایکی سوءقصد گیریشیمین موزدلو عسگرلردن اولوشان واگنر قروپو طرفیندن تشکیل ائدیلدیگی ایفاده ائدیلدی.

اوکراینا لیدئرینین شنبه گونو ده باشکند کیئوده چچن سوءقصدچیلرین سالدیری گیریشیمین‌دن قورتولدوغو قید ائدیلدی.

خبره گؤره، سوءقصد گیریشیملری، روسیاداکی ساواش قارشیدی استخبارات یئتکیلیلرینین وئردیگی بیلگی سایه‌سینده اؤنله‌ندی.

 تایمزا دانیشان بیر دیپلوماتیک قایناق، اوکراینا لیدئرینین اؤلدورولمه‌سینین ساواشین گئدیشی اوزرینده بؤیوک تأثیر یاراداجاغینی ایفاده ائتدی.