زلنسکی عملیاتین ایلک گونونده اؤلنلرین سایینی آچیقلاییب
اوکراینا پرزیدنتی ولادیمیر زلنسکی روسیانین اؤلکه‌سینه قارشی کئچیردیگی عملیاتین ایلک گونونده اؤلنلرین سایینی آچیقلاییب
اوکراینا پرزیدنتی ولادیمیر زلنسکی روسیانین اؤلکه‌سینه قارشی کئچیردیگی عملیاتین ایلک گونونده اؤلنلرین سایی‌نین 137 اولدوغونو آچیقلاییب.
زلنسکی "فیسبوک"دا ائتدیگی پای‌لاشیمدا "ایلکین معلومات‌لارا گؤره، 137 قهرمانیمیزی، وطنداشیمیزی ایتیرمیشیک. عسگرلر و سیویل لر" دئییب.
هوجوم‌لاردا 316 نفرین یارالاندیغی بیلدیریلیب.
اوکراینانین ساغلیق ناظیری اوله لیاشکو داها اول روسیانین هوجوم‌لاری نتیجه‌سینده 57 نفرین اؤلدوگونو، 169 نفرین یارالاندیغینی بیلدیرمیشدی.
دؤولت باشچیسی اوفی‌سی‌نین صدر معاوینی میخائیل پودولیاک ایسه، پایتاخت کیئو بؤلگه‌سینده‌کی هوستومل هاوا لیمانینا نظارتی ایتیردیک‌لرینی بیلدیریب. لاکین سونرا‌دان اوکراینا حربچی‌لری هاوا لیمانینی گئری آلیب‌لار.
اوکراینانین آتوم دوزنله‌مه تشکیلاتی چرنوبیل آتوم الکتریک سانترالین حدیندن آرتیق رادیاسیون سویه‌سی‌نین قئیده آلیندیغینی بیلدیریب.
قورومون سایتیندا یاییلان آچیقلامادا گاما اشعه لرینین دوزونون نظارت حدلرینی کئچدیگی بیلدیریلیب.
آچیقلامادا بیلدیریلیب کی، سؤزوگئدن دالغالانما‌لار آغیر حربی تجهیزاتین حرکتی و هاوایا رادیواکتیو توزون یاییلماسی ایله باغلی اولا بیلر.
دیپلوماتیک منبع‌لر همچنین اوکراینانین ماریوپل لیمان شهری‌نین گوجلو آتشه توتولدوغونو و یوزلرله پارتلاییشین باش وئردیگینی آچیقلاییب.
اوکراینا ساوونما ناظیری‌نین معاوینی آنا مالیار روسیا عسگرلری‌نین اوکراینا اوردوسونا عایید بعضی اتومبیل لری اله کئچیره‌رک کیئوه دوغرو حرکت ائتدیگینی بیلدیریب.
اوکراینا سلاحلی قوه‌لری‌نین عالی باش قوموتانی والری زالوژنی روسیانین ایلک گونده اؤلکه‌سینه قارشی ایتکی‌لری‌نین 30-دن چوخ تانک، 130-ا یاخین زیره‌لی آراج، 7 اوچاق و 6 هلیکوپتر اولدوغونون گومان ائدیلدیگینی آچیقلاییب.
امریکا ساوونما ناظیرلیگی‌نین (پنتاگون) یوکسک وظیفه‌لی رسمی‌سی روسیانین دونن اوکراینا اراضی‌سینه 160-دان چوخ راکت آتدیغینی و قوزیی‌دن اؤلکه‌یه داخیل اولان روسیا قوه‌لری‌نین کیئوه یاخینلاشدیغینی آچیقلاییب.
روسیا ساوونما ناظیرلیگی ایسه، اوکراینا-داکی هاوا ایندیرمه و هوجوم قوشون‌لاری‌نین قیریم اوزریندن خرسونا داخیل اولدوغونو آچیقلاییب.
بو آرادا بعضی شهرلرده، او جمله‌دن پایتاخت کیئوده کوچه‌یه چیخما قاداغاسی تطبیق ائدیلیب. اوکراینانین استراتژی استراتژی ایله تیشیم مرکزی یئرلی واختلا ساعات 22:00-دان 06:00-ا قدر کیئوده، ائله‌جه ده چرکاسی، دنیپرو و میکولاوو-دا کوچه‌یه چیخما قاداغاسی اعلان ائدیلدیگینی بیلدیریب.
کوچه‌یه چیخما قاداغاسی زامانی اجتماعی نقلیات ایشلمه‌ییب، لاکین مترو ایستگاه لاری سیغینا‌جاق کیمی ایستیفاده ائدیلمک اوچون آچیق ساخلانیلیب.
سحرین ارکن ساعات لاریندان پایتاخت کیئوده سیرنا و پارتلاییش سس‌لری تکرار-تکرار ائشیدیلمه‌یه باشلاییب.
"روسیانین دهشتلی راکئت هوجومو کیئوی هدفه آلیب"، - خاریجی ایشلر ناظیری دیمیترو کولبا بیلدیریب. بلدیه صدری ایسه بیر ائوه دوشن راکتین پارچالانماسی نتیجه‌سینده 8 نفرین یارالاندیغینی آچیقلاییب.
اوکراینا ساوونما ناظیرلیگی روسیا اوردوسونون بو گون پایتاختا داخیل اولماغا چالیشاجاغینی تخمین ائدیب.
اوکراینا ایچ ایشلر ناظیری‌نین موشاویری آنتون گراشنکو بیان ائدیب کی، روسیا حربی بیرلشمه‌لری‌نین تانک کاروانی ایوانکوو و چرنیگوو ایستیقامتیندن پایتاخت کیئوه داخیل اولماق اوزره دیر.
"بو گون چوخ چتین گون اولا‌جاق" گراشنکو بو ایفاده‌دن ایستیفاده ائده‌رک، اوکراینانین الینده اولان تانک علیهینه سلاح‌لارلا روسیا تانک‌لاری‌نین محو ائدیله بیله جگینه دقت چکیب.
قئید ائدک کی، روسیا اؤتن گون اوکراینایا قارشی حربی عملیاتا باشلاییب.
