ایران: آنلاشمایا هر زامانکیندان داها یاخینیق
"آمریکا ایله ایران آراسیندا بیر باشا مذاکرهلرین ائدیلمهسینین منفعتیمیزه اولاجاغینا اینانیریق"
ایران خاریجی ایشلر باخان کؤمکچیسی و باش مذاکرهچی علی باقری،
"هفتهلر سورهن مذاکرهلرین آردیدان آنلاشمایا هر زامانکیندان داها یاخینیق آنجاق یئنه ده هر قونودا آنلاشما تامین ائدیلنه قدر هئچ بیر شئی اوزرینده آنلاشما الده ائدیلمز" دئدی.
سوسیال مئدیا حسابیندان پایلاشدیغی مئساژیندا، سون آنلاشما اوچون مذاکره اورتاقلارینین گئرچکچی اولماسی لازیم اولدوغونو وورغولایان باقری،
"سون ۴ ایلدن درس آلمالیدیرلار. اونلار اوچون جدی قرارلار آلما زامانی گلدی" ایفادهلرینی ایشلتدی.
نوکلئر آنلاشمانین یئنیدن تام معناسییلا تطبیق اولونماسینی تامین ائتمه و آمریکا بیرلشمیش دؤولتلرینین آنلاشمایا دؤنوشونون اله آلیندیغی نوکلئر گؤروشمهلر، روسیا، چین، آلمانیا، فرانسا، اینگیلتره و ایراندان اوست سویه نمایندهلرین ایشتیراکییلا اتریشین باشکندی وینده ائدیلیر.
طرفلر، گؤروشمهلرده قرار مرحلهسینه گیریلدیگینی ایفاده ائدیر.
آمریکا خاریجی ایشلر باخانلیغی سؤزوسو ند پرایس ایسه خاریجی ایشلر باخانی آنتونی بلینکنین ایرانلی قونومداشی ایله مونیخ گوونلیک فوروموندا بیره بیر گؤروشمهسینی گؤزلهمدیگینی دیله گتیردی.
پرایس، "آنجاق اوزون زاماندیر ایفاده ائتدیگیمیز کیمی آمریکا ایله ایران آراسیندا بیر باشا مذاکرهلرین ائدیلمهسینین وین گؤروشمهلری باغلامیندا منفعتیمیزه اولاجاغینا اینانیریق" دئدی.