ایران: گئچیجی بیر آنلاشما گوندمیمیزده یوخ
"بوتون طرفلر آمریکا بیرلشمیش دؤولتلرینین بیر داها نوکلئر آنلاشمادان چیخماماسی لازیم اولدوغونو قبول ائتدی"
1767505
ایران خاریجی ایشلر باخانلیغی سؤزچوسو سعید خطیبزاده، نوکلئر مذاکیرهلرده گئچیجی بیر آنلاشمانین گوندملرینده یئر آلمادیغینی سؤیلهدی.
خطیبزاده، تهرانداکی خاریجی ایشلر باخانلیغی بیناسیندا تشکیل ائتدیگی هفتهلیک مطبوعات کنفرانسیندا، وینده داوام ائدن نوکلئر مذاکیرهلرله باغلی دانیشدی.
ایرانین ضمانت طلبینین مذاکیره ائدیلدیگینی و اختیلافلارین آزالدیغینی دیله گتیرهن خطیبزاده، بونلاری قید ائتدی:
"مذاکیرهلر دوغرو یولدا ایرلیلهییر. بوتون طرفلر آمریکا بیرلشمیش دؤولتلرینین بیر داها نوکلئر آنلاشمادان چیخماماسی لازیم اولدوغونو قبول ائتدی. ایران قالیجی و گوونیلیر بیر آنلاشما ایستهییر. بوندان داها آشاغیسینی قبول ائتمز. گئچیجی بیر آنلاشما هئچ بیر زامان گوندمیمیزده اولمادی. واشینگتنون بونو آنلاماسینی آرزو ائدیریک".