افغانیستان-دا دؤولت اونیورسیته ‌لری یاخین زاماندا آچیلا‌جاق

طالبان موقتی حکومتی‌نین عالی تحصیل ناظیری‌نین معاوینی شیخ عبدالباقی حقانی افغانیستانین پایتاختی کابیل-ده کئچیردیگی مطبوعات کنفرانسیندا بیلدیریب کی، دؤولت اونیورسیته لرینین بو گونه قدر باغلانماسی‌نین سببی اقتصادی پروبلئم‌لردیر.

اقتصادی پروبلئم‌لرین تئزلیکله حل اولوناجاغینی بیلدیرن شیخ عبدالباقی حقانی دؤولت اونیورسیته لرینده یئنی‌دن تحصیل و کادر حاضیرلیغینا باشلاناجاغینی قئید ائدیب.

اؤلکه داخیلینده 40 دؤولت، 150 اؤزل اونیورسیته اولدوغونو خاطیرلا‌دان شیخ عبدالباقی حقانی تحصیلین اؤزل اونیورسیته ‌لرده داوام ائتدیگینی بیلدیریب.

او، اؤلکه‌دکی بوتون تحصیل موسسه‌لرینی ایستاندارت‌لاش‌دیرماق و تحصیل سیستمینی دیگر اؤلکه‌لرله رقابت داوام‌لی ائتمک عزمینده اولدوق‌لارینی وورغولاییب.

شیخ عبدالباقی حقانی بعضی اؤلکه‌لرین افغانیستان-دا عالی تحصیله دستک و افغان طلبه‌لره بورس وئرجگینی وعد ائتدیگینی بیلدیریب.

افغانیستان‌داکی اونیورسیته لر یئنی نوع کوروناویروس (کووید-19) سببیله طالبان 2021-جی ایلین آوقوستوندا اؤلکه‌نی اله کئچیرمزدن اول تحصیلی دایاندیرمیشدی.

طالبان افقانیستاندا نظارتی اله کئچیردیک‌دن سونرا اؤزل اونیوئرسیتئت‌لر 2021-جی ایلین سئنتیابریندا فعالیته باشلاییب، دؤولت اونیوئرسیتئت‌لری ایسه باغلی قالیب.