سپاه اوردوسو باشچیسی آمریکانی تهدید ائتدی
"آغیر انتقامین بیر قیسمینی آلدیق، اما قالانی قالیر"
ایرانین سپاه اوردوسو باشچیسی ژنرال حسین سلامی، «قدس گوجو باشچیسی قاسم سلیمانینین انتقامینین بیر قیسمینی آلدیقلارینی و بونون داوام ائدجگینی» سؤیله‌یرک آمریکا یؤنتیچیلرینی تهدید ائتدی.
باشکند تهران‌دا تشکیل ائدیله‌ن پروگراما قاتیلان سلامی چیخیشین‌دا، ۳ ژانویه ۲۰۲۰.جی ایلده آمریکا طرفیندن اؤلدوروله‌ن سلیمانینین انتقامینی آلاجاقلارینی بیلدیردی.
آمریکانین عراق‌داکی عین الاسد حربی هاوا مرکزینی راکتلرله ووراراق، "آغیر ضربه ووردوقلارینی" دئیه‌ن سلامی:
"آغیر انتقامین بیر قیسمینی آلدیق، اما قالانی قالیر. آمریکالی مقاملار بیلمه‌لیدیرلر کی، بیر ملته سالدیریب انتقامین‌دان گوونده اولابیلمزلر" ایفاده‌لرینی ایشلتدی.
آمریکانین "عراق حکومت مقاملارینین دعوتی ایله بو اؤلکه‌یه گئدن سلاحسیز بیر شخصی اؤلدوردویونو" ایفاده ائد‌ن سئلامی، "چاتیشما و ساواش میدانیندا چتین‌لیکلری و تهلوکه‌لری گئریده قویدوق. دوشمن طرفیندن هئچ بیر قاییغیمیز یوخ. اؤزوموزو مدافعه ائده‌بیلریک" گؤروشلرینی پایلاشدی.
