افغانیستاندا پاتلاما: ۹ اوشاق اؤلدو
پاتلامادا ۹ اوشاغین حیاتینی ایتیردیگینی ایفاده ائدن یئتکیلیلر، ۴ اوشاغین دا یارالاندیغینی قید ائتدی
افغانیستانین دوغوسونداکی ننگرهار ایالتینین لعل پور بؤلگهسینده قومبارا مرمیسینین پاتلاماسی نتیجهسینده ۹ اوشاغین اؤلدویو بیلدیریلدی.
یئرلی مسئوللار، پاتلامانین لعل پور ائلچهسینین بیر کندینده بیر اسکی اشیا آلان شخصین قومبارا آتان مرمیسی ایله اوینارکهن باش وئردیگینی آچیقلادی.
پاتلامادا ۹ اوشاغین حیاتینی ایتیردیگینی ایفاده ائدن یئتکیلیلر، ۴ اوشاغین دا یارالاندیغینی قید ائتدی.
شاهیدلرین سؤزلرینه گؤره، پاتلاما مکتبین یاخینلیغیندا باش وئردی.
داها اؤنجه ده اؤلکهنین مختلیف بؤلگهلرینده بنزر حادثهلر باش وئرمیش، اونلارجا اوشاغین اؤلومونه سبب اولموشدو.
اؤلکهده هله ده ساواش دؤوروندن قالما پاتلامامیش قومبارا آتان مرمیلری و بومبالار وار.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب