ایران: سعودی عربیستانی ایله دیپلوماتیک علاقه‌لره حاضیریق
ایرانین خاریجی ایشلر ناظیری حسین امیر عبداللهیان سعودی عربیستانی ایله دانیشیق‌لارین مثبت ایستیقامتده ایرلیلدیگینی بیلدیریب.
ایرانین خاریجی ایشلر ناظیری حسین امیر عبداللهیان سعودی عربیستانی ایله دانیشیق‌لارین مثبت ایستیقامتده ایرلیلدیگینی بیلدیریب.
ناظیر "بیز سعودی عربیستانی ایله دیپلوماتیک علاقه‌لره حاضیریق" دئییب.
"اسپوتنیک"ین خبرینه گؤره، حسین امیر عبداللهیان قطر مطبوعاتینا وئردیگی موصاحیبه‌ده سعودی عربیستانی ایله داوام ائدن دانیشیق‌لارلا باغلی معلومات پایلاشیب.
ریاض رهبرلیگی ایله دانیشیق‌لارین مثبت ایستیقامتده ایرلیلدیگینی بیلدیرن عبداللهیان "سعودی عربیستانی ایله دیپلوماتیک علاقه‌لره حاضیریق" دئییب.
"یاخین زاماندا ایرانین ایسلام امکداش‌لیق تشکیلاتی‌نین نوماینده‌لری سعودی عربیستانی‌نین جده شهرینه قاییدا‌جاق‌لار. بو، ایکی طرف‌لی موناسیبت‌لرین اینکیشافیندا مثبت آددیم‌دیر" دئیه عبداللهیان وورغولاییب.
ریاض رهبرلیگی‌نین بولگه‌سل مسئله‌لری موذاکیره ائتمک ایسته‌دیگینی قئید ائدن عبداللهیان ایرانین بولگه‌سل امکداشلیغا اؤنم وئردیگینی بیان ائدیب:
"بیز بولگه سل پروبلئم‌لرین حلینده سعودی عربیستانی، تورکیه و میصرله امکداشلیغا و دانیشیق‌لارا اؤنم وئریریک".
ایرانلی ناظیر بؤلگه‌ده ایسراییل ایله نورمال‌لاشماق قرارینا گلن اؤلکه‌لره ایسه خبردارلیق ائده‌رک، "بیز قونشولاریمیزا خبردارلیق ائدیریک کی، سیونیست ایسراییل رژیمی ایله نورمال‌لاشماق قراری وئرمه‌سین‌لر. بو، بؤیوک استرائژی سهو‌دیر. بو سهوین عوضینی ایلک اونلار اؤده‌یه‌جک‌لر" دئییب.
