قازاخیستان-دا حکومت استعفا وئریب
قازاخیستان-دا باش ناظیر عسگر مامین رهبرلیگیندهکی حکومت گازین قیمتینین ایکی دفعه آرتیریلماسینا قارشی کئچیریلن اعتراض آکسیالاری نتیجهسینده استعفا وئریب.
قازاخیستان-دا باش ناظیر عسگر مامین رهبرلیگیندهکی حکومت گازین قیمتینین ایکی دفعه آرتیریلماسینا قارشی کئچیریلن اعتراض آکسیالاری نتیجهسینده استعفا وئریب.
پرزیدنت قاسم جومرت توکایئو حکومتین استعفاسینی قبول ائدیب.
جمهور باشقانلیغیندان وئریلن معلوماتا گؤره، قازاخیستانین باش ناظیرینین صلاحیتلرینین ایجراسی موقتی اولاراق علیخان اسمایلوا حواله ائدیلیب.
قئید ائدک کی، قازاخیستانین باتی سینداکی جانااوزن و آلماتی شهرلریله مانگیستاو ایالتینده فوق العاده وضعیت اعلان ائدیلیب.
پرزیدنت قاسم جومرت توکایئوین فوق العاده وضعیتله باغلی ایمضالادیغی فرمانا گؤره فوق العاده وضعیت 5 ژانویه 2022-جی ایل ساعات 01:30-دان 19 ژانویه ساعات 00.00 دقیقهیه قدر قوهده اولاجاق.
بیلدیریلیب کی، فرمان اجتماعی تهلوکه سیزلیگین تامین ائدیلمهسی، آساییشین برپاسی، وطنداشلارین حقوق و آزادلیقلارینین مدافعهسی مقصدیله ایمضالانیب.
اؤلکهنین کئچمیش پایتاختی آلماتی-دا مینلرله اینسانین قاتیلدیغی نوماییشلر گئجه بویو داوام ائدیب. پولیس سس بومباسی و گؤزیاشاردیجی گازدان ایستیفاده ائدهرک موداخیله ائدیب.
ساکینلر مایع گازین دیرینین کسکین آرتماسینا اعتراض ائدیبلر. بئله کی، اؤلکهده مایع گازین دیری 60 تنگهدن 120 تنگهیه قالدیریلیب.
قازاخیستان حکومتی مانقیستاو ویلایتینده مایع گازین قیمتینین 1 لیتر اوچون 50 تنگهیه ائندیرسه ده اعتراضلار داوام ائدیر.
ایلگیلیلی خبرلر
افغانیستاندا سئلده اؤلنلرین ساییسی ۷۰ نفره چیخدی
شدتلی یاغیشلارین یول آچدیغی سئلده حیاتینی ایتیرهنلرین ساییسی ۷۰ نفره، یارالی ساییسی ۵۶ نفره یوکسلدی
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب