تۆمن شهرینده آریندیراقدا یانغین چیخدی
تۆمن والیسی، آریندیراقداکی تانکر بوش اولدوغو اوچون یانغینین فاجعه‌یه دؤنوشمه‌دیگینی بیلدیردی.
روسیانین تۆمن شهرینده‌کی آنتیپینسکی نفت آریندیراغیندا سحر ساعاتلارین‌دا بیلینمه‌ین سبب‌دن یانغین چیخدی.
یانغین اویاریسی وئریلدیکدن سونرا آریندیراقدا اولان ۲۰۰ نفره یاخین انسان بؤلگه‌دن اوزاقلاشدیریلدی.
روسیا فؤوق‌العاده حاللار باخانلیغینین ۸۶ امکداشی و ۳۰ دولاییندا یانغین سؤندوره‌ن اولای یئرینه گؤندریلدی.
یانغین، تیملرین ۲ ساعات‌لیق چاباسی نتیجه‌سینده سؤندورولدو.
تۆمن والیسی، آریندیراقداکی تانکر بوش اولدوغو اوچون یانغینین فاجعه‌یه دؤنوشمه‌دیگینی بیلدیردی.
روسیانین ان بؤیوک اؤزل قورولوشو اولاراق فعالیت گؤستره‌ن آنتیپینسکی نفت آریندیراغی ایللیک ۷ یاریم میلیون تن نفت تولید ائتمک گوجونه صاحب ایکن، هر ایل نفت بورولارینا ۲،۳ میلیون تن نفت پومپالاییر.
آنتیپینسکی آریندیراغی ۲۰۱۶-.جی ایلده فوربس طرفیندن روسیانین ۲۰۰ ان گوجلو شیرکتی آراسین‌دا ۴۳.جو یئرده‌دیر.
