"آمریکا، ایرانا تحریم تطبیق ائتمکدن وازگئچمیر"
خطیبزاده: تحریملری ایکییه قاتلاماق مذاکیرهلرده آمریکایا آوانتاژ تامین ائتمهیهجک
ایران خاریجی ایشلر باخانلیغی سؤزچوسو سعید خطیبزاده، آمریکا بیرلشمیش دؤولتلرینین اؤلکهسینه قارشی یئنی تحریملرینین نوکلئر گؤروشمهلرده اؤزو اوچون آوانتاژ اولمایاجاغینی ایفاده ائتدی.
خطیبزاده، توئیتر حسابیندان پایلاشدیغی مئساژیندا، وینده داوام ائتدیریلهن نوکلئر مذاکیرهلره ایشاره ائدرک،
"آمریکا، وین گؤروشمهلرینین اورتاسیندا بئله ایرانا تحریم تطبیق ائتمکدن وازگئچمز" دئدی.
واشینگتنون ایرانا قارشی آتدیغی آددیملارین بیر بیریله ضدیت تشکیل ائتدیگینی دئین خطیبزاده،
"تحریملری ایکییه قاتلاماق مذاکیرهلرده (آمریکایا) آوانتاژ تامین ائتمهیهجک" ایفادهلرینی ایشلتدی.
ایران نوکلئر آنلاشمانین یئنیدن تام معناسییلا تطبیق اولونماسینی تامین ائتمه و آمریکانین آنلاشمایا قاییتماسینین اله آلیندیغی و گئچهن هفته وینده ائدیلهن ییغینجاقلاردا طرفلر آنلاشابیلمیینجه مذاکیرهلره ۳ دسامبردا آرا وئریلمیشدی.
ایران خاریجی ایشلر باخان کؤمکچیسی و باش مذاکیرهچی علی باقری، موذاکیرهلرین ۹ دسامبردا تکرار باشلایاجاغینی آچیقلامیشدی.