ایران یئددی افریقا اؤلکهسیندن گلنلره قاداغالار تطبیق ائدیب
ایران "اومیکرون" ویروسونون تهلوکهسیله باغلی یئددی افریقا اؤلکهسیندن گلنلره قاداغالار تطبیق ائدیب.
ایران کوروناویروسون گونئی-افریقادا تاپیلمیش و حاضیردا دونیایا یاییلماقدا اولان "اومیکرون" واریانتی ایله باغلی یئددی افریقا اؤلکهسینه و بو اؤلکهلردن ایرانا سفره جدی محدودیتلر و قاداغالار تطبیق ائدیب.
بو بارهده ایرانین ساغلیق ناظیرلیگی بیانات وئریب.
بیلدیریلیب کی، افریقادا تاپیلمیش و حاضیردا دونیایا یاییلماقدا اولان کوروناویروسون "اومیکرون" واریانتی ایله باغلی بوتسوانا، سوونسی، لسوتو، مالاوی، موزامبیک، نامیبیا، گونئی افریقا و زیمبابوه اؤلکهلرینه سفره و بو اؤلکهلردن ایرانا گیریشه جدی قاداغالار تطبیق ائدیلیر. علاوه ائدیلیب کی، بو اؤلکهلردن گئری قاییدان ایران وطنداشلاری ایکی هفته قرنطینه شرایطینده قالدیقدان و مووافیق تستلردن سونرا بوراخیلاجاقلار.
ایران ساغلیق ناظیرلیگی علاوه ائدیب کی، کوروناویروسلا باغلی 67 اؤلکهدن گلنلره معین محدودیتلر هله ده تطبیق ائدیلمکدهدیر.