رئیسی: ایکی لایحه سوندوق
رئیسی، اؤلکه اقتصادینی و یئنی ایل بودجه‌سینی نوکلئر آنلاشمایا باغلامایاجاقلارینی بیلدیردی
ایران جمهورباشقانی ابراهیم رئیسی، گؤردوکلری ایشلری نوکلئر آنلاشمایا گؤره یئریتدیکلرینی و بونون اوچون قارشی طرفه ایکی لایحه سوندوقلارینی بیلدیردی.
رئیسی دؤولت تلویزیونونا وئردیگی مصاحیبه‌سین‌ده، تحریملرین لغوی و خنثی ائدیلمه‌سی اوچون ایکی آیری بیریم/واحد قوردوقلارینی و قونونون حکومتین گوند‌مین‌ده اولدوغونو بیلدیررک،
"قارشی طرف، دانیشیقلاردا ایشتیراک ائتمه‌یه‌جگیمیزی دۆشونوردو. اونلارین سؤزلرینه گؤره، بیزیم دئمه‌یه سؤزوموز یوخ ایدی. اونلار حساب ائدیردیلر کی، فعلی بیر گیریشیمیمیز اولمایاجاق. ایران دانیشیقلارا گوجلو بیر شکیل‌ده قاتیلدی و ۲ لایحه سوندو. نوکلئر آنلاشمایا گؤره حرکت ائدیریک. چالیشمالار تام اولاراق نوکلئر آنلاشمایا گؤره یئریدیلیر".
رئیسی، اؤلکه اقتصادینی و یئنی ایل بودجه‌سینی نوکلئر آنلاشمایا باغلامایاجاقلارینی بیلدیردی.
دیگر طرف‌دن، ایران خاریجی ایشلر باخانلیغینین سؤزچوسو سعید خطیب‌زاده وینده‌کی نوکلئر آنلاشما دانیشیقلارینین هفته سونو یئنی‌دن باشلایاجاغینی سؤیله‌دی.
خطیب‌زاده،
"دانیشیقلاری قارشی طرفه سوندوغوموز لایحه‌لره اویغون اولاراق یئریدیریک. گئچیجی یا دا مرحله‌لی آنلاشما یوخدور. قارشی طرف ایرانین سوندوغو متنه اعتراض ائتمه‌دی، ساده‌جه، دیرله‌ندیرمه‌لی لازیم اولدوغونو و طلبلرین هامیسینی قارشلایاممایاجاقلارینی بیلدیریبلر" ایفاده‌لرینی ایشله‌تدی.
خطیب‌زاده، دانیشیقلارین هله بیتمه‌دیگینی و یالنیز فاصیله وئریلدیگینی خاتیرلاداراق، احتیاج اولدوغوندا یئنی تکلیف لایحه‌لرینین سونولابیله‌جگینی بیلدیردی.
