آکار قطرده

"قطرله گؤردویوموز ایشلر اوچونجو اؤلکه‌لره قارشی دئییل، اؤلکه‌لریمیزی، میللتلریمیزی و حاقلاریمیزی ساوونماق و جایدیریجیلیق گوجوموزو ماکسیموما چاتدیرماق اوچون‌دور"

1743355
آکار قطرده

میللی ساوونما باخانی حولوصی آکار قطر باش باخان یاردیمچیسی و ساوونما باخانی خالد بن محمد العطیه ایله گؤروشودو.

آکار، جمهورباشقانی رجب طیب اردوغانین سفری حاضرلیقلاری چرچیوه‌سین‌ده گئتدیگی قطرین باشکندی دوحه‌ده گؤروشمه‌لر کئچیردی.

ایکی‌لی و بؤلگه‌سل ساوونما، گوونلیک و ساوونما صنایعینده امکداش‌لیق قونولارین‌دا فیکیر آلیش وئریشینین آپاریلدیغی آکار-العطیه گؤروشونده قارشی‌لیق‌لی حربی تعلیم امکداشلیغینین آرتیریلماسی ایراده‌سی ایفاده اولوندو.

حولوصی آکار قطرده اولان تورک عسگرلرینی ده زیارت ائتدی.

بورادا چیخیش ائد‌ن باخان آکار تورک بیرلیگینین اوغورلو چالیشماسینی یاخین‌دان ایزله‌دیکلرینی بیلدیردی.

"بیز سیزین باشاریلارینیزا گؤره سئوینیر و قورور دویوروق. اینانیریق کی، قارشی‌داکی دؤورده ده فعالیتینیز عینی جدی‌لیک، صمیمیت و اوغورلارلا داوام ائد‌جک" دئدی.

بیرلیکده چالیشماق اوچون هم قطرده، هم ده تورکیه‌ده ائدیلن اورتاق مانورلارین اؤنمینی وورغولایان آکار:

"بورادا قطرله گؤردویوموز ایشلر اوچونجو اؤلکه‌لره قارشی دئییل، اؤلکه‌لریمیزی، میللتلریمیزی و حاقلاریمیزی ساوونماق و جایدیریجیلیق گوجوموزو ماکسیموما چاتدیرماق اوچون‌دور" دئدی.



ایلگیلی‌لی خبرلر