روسیانین کؤمور معدنینده باش وئرن پارتلاییشدا 11 نفر حیاتینی ایتیریب

روسیانین کؤمور معدنینده باش وئرن پارتلاییشدا هلاک اولان‌لارین سایی آرتیر.

1738794
روسیانین کؤمور معدنینده باش وئرن پارتلاییشدا 11 نفر حیاتینی ایتیریب

روسیانین کمروو ویلایتی‌نین بلووو شهرینده‌کی لیستویاژنایا کؤمور معد‌نینده باش وئرن پارتلاییش نتیجه‌سینده هلاک اولان‌لارین سایی 11-ا چاتیب. بو باره‌ده کمرووا  ویلایتین والیسی سرگئی تسیویلئو معلومات وئریب.

حاضیردا معدنده 49 نفرین قالدیغی بیلدیریلیر. اونلارلا علاقه یاراتماق هله کی، مومکون اولماییب.

حادثه‌نین کؤمور توزونون یانماسی نتیجه‌سینده باش وئردیگی احتیمال ائدیلیر.

روسیا فوق العاده حال‌لار ناظیرلیگیندن ائدیلن شرحده کمرووا -داکی کؤمور معد‌نینده تخمینن 250 متر درین‌لیکده یانغین چیخدیغی بیلدیریلیب.

یانغین و توستوسو تهلوکه‌سی ایله علاقه‌دار معدن‌دن 239 آدامین چیخاریلیب، 11 نفر اؤلوب، 45-ی یارالانیب.

روسیا پرزیدنتی ولادیمیر پوتین قضادا حیاتینی ایتیرن‌لرین عائله‌لرینه باش ساغلیغی وئریب، معدنده داوام ائدن قورتارما ایشلری اوچون بوتون ایمکان‌لارین سفربر ائدیلمه‌سی اوچون تعلیماتی وئردیگینی سؤیله‌ییب.



ایلگیلی‌لی خبرلر