هر گون ۴ - ۵ مین افغانیستانلی ایرانا گئچیر

افغانیستان‌دا طالبانین آگوست آیین‌دا کابلدا حاکمیتی اله آلماسین‌دان بو یانا هر گون ۴-۵ مین افغانین سرحدی گئچه‌رک ایرانا گیردیگی آچیقلاندی.

نروژ سیغینماچی شوراسی باش کاتبی جان ایگلند، ایرانین دوغوسوندا افغانیستان سرحدی یاخینلارین‌داکی کرمان ایالتینه گئد‌رک افغانیستانلی سیغینماچیلارلا گؤروشدو.

داها سونرا تهران‌دا مطبوعاتا دانیشان ایگلند، طالبانین افغانیستان‌دا اقتداری اله آلماسین‌دان بو یانا تخمیناً ۳۰۰ مین افغانین سرحدی گئچه‌رک ایرانا گیردیگینی ایفاده ائتدی.

ایگلند، حاضردا ۳،۵ میلیون افغانیستان وطنداشینا ائو صاحب‌لیگی ائد‌ن و درین بیر اقتصادی بحرانلا بوغوشان ایرانا سیغینماچیلار قونوسون‌دا داها چوخ اولوسلارآراسی دستک وئریلمه‌سی چاغریسی ائتدی.

هر گون ۴ - ۵ مین افغانیستانلیین ایرانا قاچدیغینی بیلدیرن و تدبیر آلینماماسی حالین‌دا بو وضعیتین آوروپا اوچون بیر سیغینماچی بحرانینا چئوریله بیله‌جگی اویاریسی ائد‌ن ایگلند،

"آوروپا، بو اینسانلارین آوروپایا یؤنلمه‌سینی اؤنله‌مک ایسته‌ییرسه افغانیستان‌دا و قونشو اؤلکه‌لرده اومودا، احتیمالا، فورصتلره سرمایه قویمالی‌دیر" ایفاده‌لرینی ایشلتدی.