ایران، اورانیوم ذخیره‌سینی قیسا مدت‌ده ایکییه قاتلادیغینی آچیقلادی
نوکلئر آنلاشمادا ایرانا ان چوخ ۳،۶۷ نیسبتین‌ده اورانیوم زنگینلشدیرمه ایجازسی وئریلمیشدی
ایران، یوزده ۶۰ نیسبتین‌ده زنگینلشدیریلمیش اورانیومو ۲۵ کیلوگراما، یوزده ۲۰ صافلیقدا زنگینلشدیریلمیش اورانیوم ذخیره‌سینی ده ۲۱۰ کیلوگراما چیخاردیغینی بیلدیردی.
ایرانین یاری رسمی خبر آژانسی مهرین خبرینه گؤره، ایران اتم انرژی‌سی قورومو سؤزچوسو بهروز کمالوندی، اتریشین باشکندی وینده نوکلئر مذاکیره‌لرین یئنی‌دن باشلاماسینا هفته‌لر قالا اؤلکه‌سینین زنگینلشدیریلمیش اورانیوم ذخیره‌سینی قیسا مدت‌ده ایکییه قاتلادیغینی آچیقلادی.
نوکلئر آنلاشمادا ایرانا ان چوخ ۳،۶۷ نیسبتین‌ده اورانیوم زنگینلشدیرمه ایجازسی وئریلمه‌سینه باخمایاراق بو آنا قدر یوزده ۲۰ زنگینلشدیریلمیش ۲۱۰ کیلوگرام اورانیوم چیخاردیقلارینی ایفاده ائد‌ن کمالوندی، یوزده ۶۰ زنگینلشدیریلمیش اورانیوم میقدارینی دا ۲۵ کیلوگراما چیخاردیقلارینی بیلدیردی.
ایران ایله بیرلشمیش میللتلر گوونلیک شوراسینین دائمی عضولری آمریکا بیرلشمیش دؤولتلری، روسیا، چین، اینگیلتره و فرانسا ایله آلمانیا (۵+۱) آراسین‌دا ۲۰۱۵ده ایمضالانان برجام اولاراق آدلاندیریلان نوکلئر آنلاشما، تهرانا یوزده ۳،۶۷ نیسبتین‌ده اورانیوم زنگینلشدیرمه فعالیتینی داوام ائتدیرمه و ان چوخ ۳۰۰ کیلوگرام اورانیوم الین‌ده توتا بیلمه ایجازه‌سی وئریر. آمریکانین نوکلئر آنلاشمادان تک طرف‌لی چکیلمه‌سینین آردین‌دان ایران، آنلاشماداکی تعهدلارینی آسقییا آلمیشدی.
اورانیومون یوزده ۲۰ و اوزرین‌ده زنگینلشدیریلمه‌سی، نوکلئر بومبا الده ائتمه‌یه ایمکان تامین ائد‌جک یوزده ۹۰ صافلیقدا پارچالانابیلر اورانیوما چاتماق اوچون اؤنملی بیر مرحله اولاراق قبول ائدیلیر.
