ایران و پاکیستان خاریجی ایشلر ناظیرلری افغانیستان-داکی وضعیتی موذاکیره ائدیب‌لر

ایرانین خاریجی ایشلر ناظیری حسین امیر عبداللهیان و اؤلکه‌ده سفرده اولان پاکیستان خاریجی ایشلر ناظیری شاه محمود قریشی آراسیندا گؤروش کئچیریلیب.

افغانیستانلا قونشو دؤولت‌لرین ناظیرلری‌نین ایرانین پایتاختی تهراندا کئچیریله‌جک توپلانتی عرفه‌سینده باش توتان گؤروش زامانی أفغانستان-‌داکی وضعیت، هابئله ایکی طرف‌لی موناسیبت‌لر اطرافیندا فیکیر موبادیله‌سی آپاریلیب.

گؤروش‌دن سونرا کئچیریلن بیرگه مطبوعات کنفرانسیندا امیر عبداللهیان قئید ائدیب کی، اؤلکه‌سی افغانیستان-دا بوتون ائتنیک قروپ‌لارین ایشتیراکی ایله حکومتین قورولماسی‌نین هامیمیز اوچون ان مهم سیاسی استراتژی اولدوغونا اینانیر.

پاکیستان-‌لی ناظیر قریشی بیلدیریب کی، بو چتین گون‌لرده پاکیستان افغانیستانین یانیندا‌دیر. ناظیر علاوه ائدیب کی، اؤلکه‌سی ایرانلا بوتون ساحه‌لرده ایکی طرف‌لی علاقه‌لرین گئنیشلندیریلمه‌سینه صادق‌دیر و ایرانی یاخین قونشو، مهم اؤلکه حساب ائدیر.