ایران-دا زنجیرواری قضا اولوب، 20-دن چوخ شخص یارالانیب

بو گون یئرلی واختلا ساعات 05:00 راده‌لرینده ایرانین کرج-قزوین اتوبانیندا 30 اتومبیلین ایشتیراکی ایله زنجیرواری قضا باش وئریب.

بونو ایرانین عاجیل یاردیم تشکیلاتی‌نین سؤزچوسو مجتبی خالدی دئییب.

مجتبی خالدی‌نین سؤزلرینه گؤره، قضا نتیجه‌سینده ایندییه‌دک 21 نفرین یارالاندیغی معلوم‌دور.

یارا‌لی‌لار عاجیل یاردیم ماشین لاری و هلیکوپترله خسته‌خانا‌لارا چاتدیریلیب‌لار.

فاکتلا باغلی آراشدیرما آپاریلیر.