یمندهکی چاتیشمالاردا ۸۱۴ نفر حیاتینی ایتیردی
یمندهکی ایران دستکلی حوثیلر ۲۰۱۴.جو ایلین سپتامبر آییندان باشکند صنعا و بعضی بؤلگهلری کنترل ائدیر
یمنده حکومت و کوالیسیون گوجلری ایله ایرانین دستکلدیگی حوثی میلیسلری آراسیندا باش وئرهن چاتیشمالار و هاوا عملیاتلاری نتیجهسینده ۸۱۴ نفر حیاتینی ایتیردی.
سون ۷۲ ساعاتدا ۲۶۴دن چوخ حوثی سلاحلیسینین ضررسیزلشدیریلدیگی، ۳۶ حربی ماشینین ایسه ووردولدوغو آچیقلاندی.
حوثیلرین حربی سؤزچوسو یحیی السریع، مطبوعات توپلانتیسیندا، حوثی سلاحلیلارینین ۵۵۰ نفری اؤلدوردویونو، ۱۲۰۰ نفری یارالادیغینی و ۹۰ نفری اسیر آلدیغینی بیلدیردی.
سریع،
"شبوه و مارب ویلایتلرینده "ظفر باهاری" عملیاتی زامانی توپلام ۳۲۰۰ مربع کیلومتر آزاد ائدیلدی" دئدی.
یمندهکی ایران دستکلی حوثیلر ۲۰۱۴.جو ایلین سپتامبر آییندان باشکند صنعا و بعضی بؤلگهلری کنترل ائدیر.
سعودی عربیستانین اؤنچولوگوندهکی کوالیسیون گوجلری ایسه ۲۰۱۵.جی ایلین مارس آییندان حوثیلره قارشی یمن حکومتینه دستک وئریر.
یمنده ۷ ایلدیر داوام ائدن چاتیشمالاردا ۲۳۳ مین اینسان حیاتینی ایتیردی. دونیانین ان فقیر اؤلکهلریندن بیری اولان یمنده ایچ ساواش سببیله آرتان انسانی بحران دهشت وئریجی حده چاتدی.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب