طالبان، تهران‌داکی افغانیستان قونولو توپلانتییا چاغریلمادی

اکتبرون ۲۷سینده ایرانین باشکندی تهران‌دا افغانیستانلا باغلی گئچیریله‌جک توپلانتییا افغانیستان‌داکی طالبان یؤنتیمی دعوت ائدیلمه‌دی.

طالبانین سؤزچوسو و گئچیجی حکومتینین مدنیت باخانینین یاردیمچیسی وظیفه‌سینی ایجرا ائد‌ن ذبیح‌الله مجاهد تهران توپلانتیسینا هله ده دعوت ائدیلمه‌دیکلرینی بیلدیردی.

مجاهد توپلانتینین افغانیستانا فایدا وئرجگینی دوشوندوکلرینی قید ائتدی.

دیگر طرف‌دن، ایرانین کابل‌دا‌کی ائلچیلیگی، افغانیستانین قونشو اؤلکه‌لرینین ایشتیراک ائدجگی و تهران حکومتینین ائو صاحب‌لیگی ائدجگی توپلانتینین اکتبرون ۲۷سینده باش توتاجاغینی بیلدیردی.

توپلانتی‌دا پاکیستان، چین، تاجیکیستان، تورکمنیستان، اؤزبکیستان و روسیادان نماینده‌لرین ایشتیراکی گؤزلنیلسه ده، گؤروش‌مهده افغانیستان‌دا احاطه‌لی میللی حکومتین یارادیلماسی و ساواشا سون قویولماسی مسئله‌لری مذاکیره اولوناجاق.

اکتبرون ۲۰سینده روسیانین باشکندی موسکوانین ائو صاحب‌لیگی ایله افغانیستان مسئله‌سی ایله باغلی «موسکوا فورماتی»ندا توپلانتی کئچیریلمیشدی.

ایجلاس‌دا روسییا، تورکمنیستان، قازاخیستان، قیرغیزیستان، اؤزبکیستان، ائل‌جه ده تاجیکیستان، پاکیستان، چین، هیندیستان و ایرانین نماینده‌لری ایشتیراک ائدیبلر.

افغانیستان‌دا طالبانین قوردوغو موقتی حکومتین باش ناظرینین موعاوینی ابدول سلام هنفینین باش‌چی‌لیق ائتدیی نماینده هئیتینین ده ایشتیراک ائتدیی توپلانتی‌دا افغانیستانین یئنی ایداره‌سینه «احاطه‌لی حکومت» یارادیلماسی چاغیریشی ائدیلیب.